Վարչապետի գլխավորությամբ քննարկվել է «Ակադեմիական քաղաք» ծրագրի ընթացիկ իրավիճակն ու իրականացման ռազմավարությունը

Հասարակություն

20.12.2024 | 18:16

Լուրեր

10.04.2025 | 23:30

Երևանում և 9 մարզում էլեկտրաէներգիայի անջատումներ կլինեն

10.04.2025 | 23:14

Նեթանյահուի գրասենյակը մանրամասներ է հայտնել Ադրբեջանում կայացած Իսրայել-Թուրքիա հանդիպումից

10.04.2025 | 23:01

ԱՄՆ-ի կողմից Չինաստանի նկատմամբ սահմանված մաքսատուրքերը 145% են կազմում

10.04.2025 | 22:46

Երևանի շենքերից մեկում քաղաքացին աշխատանքներ իրականացնելիս տանիքից ընկել է

10.04.2025 | 22:38

Էրդողանը 13 տարվա մեջ առաջին անգամ հանդիպել է Թուրքիայի քրդամետ կուսակցության անդամներին

10.04.2025 | 22:24

Որքան պետք է լինի ցնցուղի ջրի ճնշումը. Թրամփը նոր հրամանագիր է ստորագրել

10.04.2025 | 22:11

Եվրանեսթ խորհրդարանական վեհաժողովի համանախագահը կժամանի Հայաստան

10.04.2025 | 22:00

ՀՀ-ն եզակի երկիր է, որը զորավարժություն կանի և ԱՄՆ-ի, և Իրանի հետ․ ԱՄՆ զորքերի գալը Թեհրանին վտանգ չէ․ Նարեկ Մինասյան. ՏԵՍԱՆՅՈՒԹ

10.04.2025 | 21:51

Ալեն Սիմոնյանի գլխավորած պատվիրակությունը կմեկնի Սանկտ Պետերբուրգ

10.04.2025 | 21:43

Բաքվում շինծու գործերով դատական նիստում հայ գերիները հարցաքննվել են

10.04.2025 | 21:32

Բողբոջած ծառերը հատել են, կոճղերը՝ ծածկել. պաշտոնյան պնդում է՝ «չորացած էին». ՏԵՍԱՆՅՈՒԹ

10.04.2025 | 21:19

«Վարձի օրերը գալիս են, ես չեմ տեղավորվում, պետք է աշխատեմ»․ արցախցի կինն անգործ է մնացել. ՏԵՍԱՆՅՈՒԹ

10.04.2025 | 20:43

Անահիտ Ավանեսյանն աշխատանքային հանդիպում է ունեցել դեղ ներմուծող ընկերությունների ներկայացուցիչների հետ

10.04.2025 | 20:27

Թուրքիայից Հայաստան արտահանումը 2025թ. առաջին եռամսյակում կազմել է 106․000 դոլար

10.04.2025 | 20:13

Ստեփանծմինդա-Լարս ավտոճանապարհը փակ է բեռնատարների համար

Բոլորը

Վարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել է «Ակադեմիական քաղաք» ծրագրի ընթացիկ իրավիճակն ու իրականացման ռազմավարությունը:

Կրթության, գիտության, մշակույթի և սպորտի նախարար Ժաննա Անդրեասյանը ներկայացրել է ծրագրի շրջանակում արդեն իսկ իրականացված աշխատանքները՝ մշակվել է «Ակադեմիական քաղաք»-ի գլխավոր հատակագծի հայեցակարգը, իրականացվել են տեղանքի ընդհանուր հետազոտության, անհրաժեշտ երկրաբանական և երկրատեխնիկական հետազոտությունները և այլն:

Ընդգծվել է, որ միջազգային գործընկերների հետ կնքված պայմանագրերի շրջանակում նախատեսվում են «Ակադեմիական քաղաք»-ի կառավարման մոդելի մշակման, քաղաքաշինական զարգացման ռազմավարական շրջանակի մշակման, ընդհանուր տրանսպորտի և շարժունակության շրջանակի գնահատման իրականացում: Մասնավորապես՝ «Ակադեմիական քաղաք»-ի կառավարման մոդելի մշակման շրջանակում իրականացվելու է ղեկավար կազմի վերապատրաստում, տեխնոլոգիական կլաստերի կառավարման մոդելի մշակում, բուհերի միավորման ճանապարհային քարտեզի, գիտահետազոտական ինստիտուտների միավորման ճանապարհային քարտեզի մշակում, նորարարությունների խթանման ուղղությամբ աջակցություն: Քաղաքաշինական զարգացման ռազմավարական շրջանակի մշակման շրջանակում իրականացվելու են ռազմավարական հաղորդակցության ուղղությամբ աշխատանքներ, սոցիալական ենթակառուցվածքների հետազոտություններ, տնտեսական միտումների վերլուծություններ և այլն:

Շարունակվելու են աշխատանքներն «Ակադեմիական քաղաք»-ի գլխավոր հատակագծի վերջնականացման և արդեն իսկ շենքերի նախագծման ուղղությամբ: Վերոնշյալ աշխատանքի այն ծավալը, որը վերաբերում է մեր երկրի օրենսդրության շրջանակում անհրաժեշտ փաստաթղթերի մշակմանը, կիրականացվի տեղական գործընկերների կողմից: Անդրադարձ է կատարվել նաև տարածքի ակտիվացման փուլերին, որոնք ներառում են տարածքի նախապատրաստման, համապատասխան ճանապարհների կառուցման, կանաչապատման աշխատանքները, որոշակի հատվածների՝ երկաթգծի կայարանի, կացարանային հատվածի, մարզադաշտի և մշակույթի կենտրոնի կառուցմանը և այլն:

Նշվել է, որ աշխատանքներ են տարվում 2025 թվականի մայիս-հունիս ամիսներին «Ակադեմիական քաղաք» ծրագրի շրջանակում միջազգային կոնֆերանսի անցկացման շուրջ:

Հաջորդիվ ծավալվել է քննարկում ներկայացված ռազմավարության շուրջ: Քննարկվող հարցերի շրջանակը ներառել են տեղական գործընկերոջ ընտրությունը, որը GMP ընկերության հետ համագործակցությամբ կիրականացնի «Ակադեմիական քաղաք»-ի քաղաքային ծրագրի գլխավոր հատակագծի և գոտևորման նախագծի մշակումը, ճանապարհային ցանցի և տրանսպորտի, ինժեներական ենթակառուցվածքների և կոմունալ ենթակառուցվածքի, լանդշաֆտային կազմակերպման ուրվագծումը և այլն: Քննարկվել են նաև երկաթգծի աշխատանքների հետ կապված անելիքները, ներդրումային ծրագրի ձևաչափի հետ կապված հարցեր: Նշվել է, որ «Ակադեմիական քաղաք» ծրագրի հայեցակարգը թարմացնելու անհրաժեշտություն կա, որի համատեքստում ընդգծվել է Տաղանդների զարգացման ծրագրի ինտեգրման կարևորությունը:

Քննարկված հարցերի շրջանակում վարչապետը համապատասխան հանձնարարականներ է տվել պատասխանատու գերատեսչությունների ղեկավարներին: