14.05.2026 | 19:05
Փաշինյանին վիրավորած բլոգերին կալանավորելու միջնորդություն է ներկայացվել
Քաջարան-Ագարակ ճանապարհի կառուցումն ակտիվ ընթացքի մեջ է. «Ճանապարհային դեպարտամենտ»
Տնտեսություն
20.12.2024 | 13:29
Մեծ ուշադրություն է դարձվում անվտանգության կանոններին: Այդ մասին հայտնում են «Ճանապարհային դեպարտամենտ» հիմնադրամից:
«Հյուսիս-հարավ ճանապարհի Տրանշ-4-ի Քաջարան-Ագարակ 32 կմ ճանապարհի կառուցումն ակտիվ ընթացքի մեջ է։
Հաշվի առնելով լեռնային բարդ տեղանքը և դրանով պայմանավորված շինաշխատանքների դժվարությունները՝ հատուկ ուշադրություն է դարձվում անվտանգության ապահովման և բարելավման խնդիրներին։ Կապալառուի համապատասխան մասնագետների, ինչպես նաև տեխնիկական հսկողությունն իրականացնող կազմակերպության աշխատակիցների կողմից պարբերաբար իրականացվում է շինարարության մեջ ներգրավված անձնակազմի հրահանգավորում՝ շինաշխատանքների ընթացքում անվտանգության կանոնների պահպանման ուղղությամբ։
Հիշեցնենք, որ Քաջարան-Ագարակ 32 կմ երկարությամբ ճանապարհը կառուցվում է ՀՀ կառավարության և Կայունացման և զարգացման եվրասիական հիմնադրամի ֆինանսավորմամբ»,- նշվում է հաղորդագրության մեջ։
