17.12.2025 | 18:00
Օվերչուկը Երևանում է // Վարդան Ղուկասյանի կալանքի ժամկետը կարող է երկարաձգվել. ԼՈՒՐԵՐ
Դավիթ Սանասարյանի դեմ ցուցմունք տված անձը որպես մեղադրյալ 415 մլն դրամ է վերականգնել պետբյուջե․ ՏԵՍԱՆՅՈՒԹ
Հասարակություն
19.12.2024 | 17:10
ՊՎԾ նախկին պետ Դավիթ Սանասարյանն այսօր դատարանում ցուցմունք տալիս հայտարարեց, որ իր դեմ հաղորդում ներկայացրած Հրանտ Պիվազյանը մեղադրյալի կարգավիճակ ունի մի քրեական գործի շրջանակներում, որը վերաբերում է հեմոդիալիզի պարագաների գնման գործընթացում ենթադրյալ չարաշահումներին:
Նա դատարանին ներկայացրեց Քննչական կոմիտեի կողմից տարածված հաղորդագրություն, համաձայն որի` Պիվազյանը 415 մլն դրամ գումար է վերականգնել պետբյուջե` որպես ենթադրալ հանցագործությամբ պատճառված վնասի հատուցում:
Սանասարյանն ասաց նաև, որ ՊՎԾ-ում իրենց կողմից իրականացված ուսումնասիրության արդյունքում է հարուցվել գործը:
«Իմ նպատակը եղել է չարաշահումների դեմ պայքարելը, և, փաստորեն, ինչ-որ առումով հասել եմ դրա »,- ասաց Սանասարյանը:
Նշենք, որ Պիվազյանի վերաբերյալ գործն այժմ քննվում է Հակակոռուպցիոն դատարանում: Նույն գործով ի սկզբանե մեղադրյալ է եղել ևս մեկ անձ` «Սուրբ Գրիգոր Լուսավորիչ» բժշկական կենտրոնի գլխավոր հաշվապահը, որն ընդունել է այս կենտրոնում հեմոդիալիզի գնման գործընթացում չարաշահումների մեղադրանքն ու միջնորդել իր վերաբերյալ գործն արագացված վարույթով քննել:
Մանրամասները` տեսանյութում:
Արաքս Մամուլյան
