30.04.2026 | 22:58
«Նուբարաշեն-Արին-Բերդ» ջրատարի վթարման հետևանքով Երևանի և Արարատի մարզի մի շարք հասցեներում 21 ժամ ջուր չի լինի
Մոսկվայում պայթյունի հետևանքով ռուս գեներալի սպանությունն Ուկրաինայի հատուկ գործողության արդյունքն է․ BBC
Քաղաքականություն
17.12.2024 | 16:03
Ուկրաինայի անվտանգության ծառայության (ՈՒԱԾ) աղբյուրները BBC-ի ուկրաինական ծառայությանը հայտնել են, որ ՌԴ ԶՈւ ռադիացիոն, քիմիական և կենսաբանական պաշտպանության զորքերի ղեկավար Իգոր Կիրիլովի և նրա օգնականի սպանությունը ՈՒԱԾ-ի հատուկ գործողության արդյունքն է, փոխանցում է BBC-ի ռուսական ծառայությունը։
Աղբյուրների համաձայն՝ պայթուցիկով ինքնագլորը գործի է դրվել, երբ Կիրիլովն ու նրա օգնականը մտել են Մոսկվայի Ռյազանսկի պողոտայի տներից մեկի մուտք։
«Կիրիլովը ռազմական հանցագործ էր և միանգամայն օրինական թիրախ, քանի որ նա հրահանգներ էր տվել ուկրաինացի զինվորականների դեմ արգելված քիմիական զենք կիրառել։ Այսպիսի անփառունակ վախճան է սպասվում բոլոր նրանց, որոնք սպանում են ուկրաինացիներին։ Պատերազմական հանցագործությունների համար հատուցումն անխուսափելի է»,- ասել է աղբյուրը։
Ավելի վաղ Անվտանգության ծառայությունը հայտարարել էր, որ Կիրիլովին կասկածում է Ուկրաինայի արևելքում և հարավում ուկրաինական զինված ուժերի դեմ արգելված քիմիական զենքի զանգվածային կիրառման մեջ։
Թարգմանությունը՝ Էմմա Չոբանյանի
