08.08.2026 | 12:25
NBA-ի աստղն անհավանական դիպուկություն է գրանցել. ՏԵՍԱՆՅՈՒԹ
Քվեարկելով «Իմ քայլը» դաշինքի օգտին քվեարկում եք ԱԺ-ն լուծարելու և արտահերթ ընտրություն կազմակերպելու օգտին․ ՀՀ վարչապետ․ ՏԵՍԱՆՅՈՒԹ
Քաղաքականություն
20.09.2018 | 21:03
Ես ուզում եմ խոսել այս ընտրությունների քաղաքական կոնտեքստի մասին և ևս մեկ անգամ ընդգծել, որ «Իմ քայլը» դաշինքի օգտին քվեարկելով՝ դուք քվեարկում եք Ազգային ժողովը լուծարելու և արտահերթ խորհրդարանական ընտրություն կազմակերպելու օգտին։ Այս մասին այսօր «Իմ քայլը» դաշինքի հանրահավաքի ժամանակ ասաց ՀՀ վարչապետ Նիկոլ Փաշինյանը՝ հանրահավաքի մասնակիցներին ներկայացնելով, թե այդ հարցն ինչ ընթացակարգ է ունենալու։
«Ես ուզում եմ Երևան մայրաքաղաքի բնակիչների, ընտրողների մանդատը ստանալ արտահերթ խորհրդարանական ընտրությունների ժամի, տեղի մասին բանակցելու խորհրդարանի անդամների հետ, հետևաբար, շատ կարևոր է, որ Երևանի ավագանու ընտրություններին դուք տաք ինձ շատ հզոր այդ մանդատը՝ ձեր քվեարկությունը, որ ես գնամ և այդ հարցը լուծեմ։ Արտահերթ խորհրդարանական ընտրությունների հարցում ես ունեմ յուրաքանչյուրիդ քվեի կարիքը»,-ասաց վարչապետը՝ շեշտելով, որ արտահերթ խորհրդարանական ընտրությունների անցկացումը դարձել է ներհայաստանյան օրակարգի կարևոր հարցերից մեկը, որը պետք է շատ արագ լուծել։
Նիկոլ Փաշինյանը ևս մեկ անգամ շեշտեց, որ գործող խորհրդարանը չի արտահայտում ժողովրդի կամքը և ձևավորվել է համատարած ընտրակեղծիքների միջոցով, իսկ նման խորհրդարան նոր Հայաստանում գոյություն ունենալ չի կարող։
«Նոր ՀՀ-ի քաղաքացին պետք է ունենա լեգիտիմ և իր կամքն արտահայտող խորհրդարան»,- ասաց վարչապետը։
Մանրամասները՝ տեսանյութում։
