23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
Լեհաստանն իր ավիացիան օդ է բարձրացրել Ուկրաինայի վրա ՌԴ զանգվածային հարձակման ժամանակ
Քաղաքականություն
13.12.2024 | 20:12
Դեկտեմբերի 13-ին Ուկրաինայի վրա Ռուսաստանի զանգվածային հարձակման պատճառով Լեհաստանը երկինք է բարձրացրել իր ավիացիան։ Այս մասին հայտնում է Լեհաստանի օպերատիվ հրամանատարությունը։
«Ուշադրություն, Ռուսաստանի Դաշնության՝ թևավոր ու բալիստիկ հրթիռներով և անօդաչու թռչող սարքերով Ուկրաինայի արևմուտքում գտնվող օբյեկտներին հերթական գրոհի պատճառով ռազմական ավիացիան սկսել է գործել մեր օդային տարածքում»,- ասվում է հաղորդագրությունում։
Օպերատիվ հրամանատարությունը տեղակայել է իր տրամադրության տակ եղած բոլոր ուժերն ու ռեսուրսները, բարձրացվել են հերթական զույգ կործանիչները, իսկ ցամաքային հակաօդային պաշտպանության և ռադիոտեղորոշիչ հետախուզության միջոցները բերվել են առավելագույն պատրաստվածության։
Հիշեցնենք, որ այսօր ՌԴ-ն զանգվածային հարվածներ էր հասցրել Ուկրաինայի էներգետիկ օբյեկտներին։ ՌԴ ՊՆ-ի պնդմամբ՝ այդ հարվածները պատասխան էին Ուկրաինայի կողմից Տագանրոգի ռազմական օդանավակայանի վրա ամերիկյան ATACMS-ով հարձակմանը։
Թարգմանությունը՝ Տաթև Ֆռանգյանի
