10.08.2026 | 22:12
ԱՄՆ-ը, Հայաստանը և Ադրբեջանը համատեղ հայտարարություն են տարածել Վաշինգտոնի խաղաղության գագաթնաժողովի տարեդարձի առթիվ
Ադրբեջանի և ՆԱՏՕ-ի միջև ռազմական համագործակցության հարցեր են քննարկվել
Քաղաքականություն
13.12.2024 | 20:29
Ադրբեջանի պաշտպանության նախարարի առաջին տեղակալ, բանակի գլխավոր շտաբի պետ, գեներալ-գնդապետ Քերիմ Վելիևը Բաքվում ընդունել է ՆԱՏՕ-ի պաշտպանական քոլեջի ղեկավար, գեներալ-լեյտենանտ Մաքս Նիլսենի գլխավորած պատվիրակությանը։ Ադրբեջանի ՊՆ-ի փոխանցմամբ՝ Վելիևը խոսել է ադրբեջանական բանակում իրականացվող բարեփոխումների, Արցախյան 44-օրյա պատերազմում և «դրան հաջորդած մարտական գործողությունների ընթացքում ձեռք բերված մարտական փորձի կիրառման, զորքերի պատրաստման գործընթացի մասին»։
Վելիևը բարձր է գնահատել ՆԱՏՕ-ի հետ Ադրբեջանի համագործակցությունը տարբեր ծրագրերի շրջանակում՝ ընդգծելով այդ հարաբերությունների հետագա զարգացման կարևորությունը։
Նիլսենն իր հերթին բարձր է գնահատել ադրբեջանական բանակի զինծառայողների ներդրումը ՆԱՏՕ-ի հետ գործընկերության շրջանակում, այդ թվում՝ մասնակցությունը խաղաղապահ առաքելություններին և այլ միջոցառումներին։
Հանդիպմանը քննարկվել են ռազմական կրթության ոլորտում ՆԱՏՕ-ի հետ համագործակցության զարգացման հեռանկարները և փոխադարձ հետաքրքրություն ներկայացնող մի շարք այլ հարցեր։
Թարգմանությունը՝ Էմմա Չոբանյանի
