08.10.2026 | 22:10
Հայաստանի մի շարք հասցեներում էլեկտրաէներգիայի անջատումներ կլինեն
ԱՄՆ-ը հաջողությամբ փորձարկել է LRHW գերձայնային հրթիռը․ ՏԵՍԱՆՅՈՒԹ
Քաղաքականություն
13.12.2024 | 15:44
ԱՄՆ-ը հաջողությամբ փորձարկել է «Long Range Hypersonic Weapon» (LRHW) միջին հեռահարության գերձայնային հրթիռային համակարգը, հայտնում է Պենտագոնը։
Ենթադրվում է, որ սա Միացյալ Նահանգների կողմից հրթիռի առաջին հաջող փորձարկումն է, որը կարող է անցնել մինչև 3000 կմ՝ 6000 կմ/ժ-ից ավելի արագությամբ: Dark Eagle անունը կրող հրթիռն արձակվել է Կանավերալ հրվանդանից։
Հրթիռը մշակվել է Lockheed Martin-ի կողմից և նախատեսված է զանգվածային հրթիռային հարված հասցնելու և ամրացված պաշտպանական գծերը ճեղքելու համար: LRHW-ն ԱՄՆ ռազմավարության մի մասն է՝ 2020 թվականին Միջին հեռահարության միջուկային ուժերի (INF) պայմանագրից երկրի դուրս գալուց հետո գերձայնային զենք մշակելու համար:
2024 թվականի հունիսին կառավարության հաշվետվողականության գրասենյակը հայտարարել է, որ ԱՄՆ բանակը չի կարողացել հասնել իր նպատակին ու իր առաջին LRHW գերձայնային հրթիռային մարտկոցը չի արձակել մինչև 2025 ֆինանսական տարվա սկիզբը, որը սկսվում է հոկտեմբերի 1-ից։
Թարգմանությունը՝ Տաթև Ֆռանգյանի
