13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Օրբանը զանգահարել է Պուտինին․ քննարկվել է ուկրաինական հակամարտությունն ու իրավիճակը Սիրիայում
Քաղաքականություն
11.12.2024 | 21:29
Հունգարական կողմի նախաձեռնությամբ հեռախոսազրույց են ունեցել ՌԴ նախագահ Վլադիմիր Պուտինն ու Հունգարիայի վարչապետ Վիկտոր Օրբանը, հայտնում է Կրեմլի մամուլի ծառայությունը։
«Քննարկվել են երկկողմ առևտրատնտեսական համագործակցության մի շարք արդիական հարցեր, որոնք, ընդհանուր առմամբ, աստիճանական զարգանում են։ Մասնավորապես, ուշադրություն է դարձվել էներգետիկայի ոլորտում փոխշահավետ նախագծերի հետագա խթանմանը»,- ասվում է հաղորդագրությունում։
Կողմերը մտքեր են փոխանակել ուկրաինական խնդրի շուրջ։ Վիկտոր Օրբանը հայտնել է ճգնաժամի քաղաքական և դիվանագիտական ճանապարհով լուծման ուղիների համատեղ որոնմանը նպաստլու պատրաստակամությունը՝ նաև արևմտյան մի շարք առաջնորդների հետ իր շփումները հաշվի առնելով։
Իր հերթին, Վլադիմիր Պուտինը «հիմնարար գնահատականներ է ներկայացրել Ուկրաինայի շուրջ ստեղծված իրավիճակի և Կիևի վարչակարգի ապակառուցողական գծի վերաբերյալ, որը շարունակում է բացառել հակամարտության խաղաղ կարգավորման հնարավորությունը»։
Քննարկվել է նաև Մերձավոր Արևելքի տարածաշրջանում ստեղծված լարված իրավիճակը՝ Սիրիայում վերջին իրադարձությունների համատեքստում։
Թարգմանությունը՝ Էմմա Չոբանյանի
