30.04.2026 | 20:48
Մեր ազգն այժմ պետք է կենտրոնանա ներկայի և ապագայի վրա, այլ ոչ թե մնա անցյալում. Արարատ Միրզոյանի հարցազրույցը France 24-ին
Ուրսուլա ֆոն դեր Լեյենը պատրաստվում է այցելել Թուրքիա՝ Սիրիայի հարցով Էրդողանի հետ քննարկումների
Քաղաքականություն
11.12.2024 | 15:43
Եվրահանձնաժողովի նախագահ Ուրսուլա ֆոն դեր Լեյենը ծրագրում է այցելել Թուրքիա՝ Սիրիայի հարցով քննարկումների համար: Այս մասին նա հայտարարել է Թուրքիայի նախագահ Ռեջեփ Թայիփ Էրդողանի հետ հեռախոսազրույցից հետո։
«Կարծիքների բովանդակալից փոխանակում ունեցա Ռեջեփ Թայիփ Էրդողանի հետ Սիրիայում տիրող իրավիճակի մասին։ Սիրիայի տարածքային ամբողջականությունը պետք է պահպանվի, իսկ փոքրամասնությունները՝ պաշտպանվեն։ Հաջորդ շաբաթվա սկզբին մենք կհանդիպենք Թուրքիայում՝ քննարկելու, թե ինչ է նշանակում այս զարգացումը տարածաշրջանի համար և դրանից դուրս»,- գրել է ֆոն դեր Լեյենը X-ի իր միկրոբլոգում։
Էրդողանը նախօրեին Սիրիայում տիրող իրավիճակը նաև քննարկել է Գերմանիայի կանցլեր Օլաֆ Շոլցի հետ հեռախոսազրույցի ընթացքում։
Գերմանական կառավարության խոսնակ Շտեֆեն Հեբեշտրեյթն ասել է, որ «երկուսն էլ համաձայնել են, որ բռնատիրական Ասադի ռեժիմի տապալումը շատ դրական զարգացում էր»։ Նա հավելել է՝ այժմ նպատակը պետք է լինի Սիրիան անվտանգ տուն դարձնել բոլոր սիրիացիների համար՝ անկախ նրանց էթնիկ կամ կրոնական պատկանելությունից։
Թարգմանությունը՝ Էմմա Չոբանյանի
