30.04.2026 | 20:39
Ինչ իրավիճակ է Հայաստանի ճանապարհներին
Զապորոժիեի ատոմակայանի մոտ ԱԹՍ-ն վնասել է ՄԱԳԱՏԷ-ի աշխատակիցների ավտոմեքենան
Քաղաքականություն
11.12.2024 | 11:36
Անօդաչու թռչող սարքը հարձակվել և «լրջորեն վնասել է» Ատոմային էներգիայի միջազգային գործակալության (ՄԱԳԱՏԷ) աշխատակիցների ծառայողական ավտոմեքենան, որն ուղղություն էր վերցրել դեպի Ռուսաստանի կողմից օկուպացված Զապորոժիեի ատոմակայան։ Այս մասին հաղորդվում է կազմակերպության X-ի պաշտոնական միկրոբլոգում գրառմամբ։
ՄԱԳԱՏԷ-ի ղեկավար Ռաֆայել Գրոսսին դատապարտել է՝ այն անվանելով «անընդունելի» հարձակում գործակալության անձնակազմի վրա, որոնք աշխատում են ռազմական հակամարտության ժամանակ միջուկային վթարի կանխարգելման համար:
Ըստ Current Time-ի՝ հայտի չէ, թե կոնկրետ ում է պատկանում անօդաչու թռչող սարքը՝ Ռուսաստանի՞ն, թե՞ Ուկրաինային։
Թարգմանությունը՝ Տաթև Ֆռանգյանի
