30.04.2026 | 22:58
«Նուբարաշեն-Արին-Բերդ» ջրատարի վթարման հետևանքով Երևանի և Արարատի մարզի մի շարք հասցեներում 21 ժամ ջուր չի լինի
Պետք է բանտախցերում տեսախցիկներ տեղադրել․ Բաքվում Գերմանիայի դեսպանը մտահոգված է Ադրբեջանում լրագրողների բռնաճնշումների կապակցությամբ
Քաղաքականություն
10.12.2024 | 23:14
Ադրբեջանում Գերմանիայի դեսպան Ռալֆ Հարլեմանը մտահոգություն է հայտնել Ադրբեջանում լրագրողների նկատմամբ բռնաճնշումների կապակցությամբ։ X-ի իր միկրոբլոգում գրառմամբ դեսպանն առաջարկել է տեսախցիկներ տեղադրել բանտախցերում, որտեղ խախտվում են մարդու իրավունքները։
«Մարդու իրավունքների համընդհանուր հռչակագիրը պաշտպանելու համար պետք է տեսախցիկներ, խոսափողներ տեղադրել այնտեղ, որտեղ տեղի են ունենում մարդու իրավունքների խախտումները։ Քանի որ մամուլի ազատությունը մարդու իրավունքների իրավիճակի ցուցիչ է, մենք շարունակում ենք մտահոգված մնալ լրագրողների նկատմամբ բռնությամբ ու ճնշումներով ամբողջ աշխարհում, այդ թվում՝ Ադրբեջանում»,- նշել է Հարլեմանը։
Նշենք, որ Ադրբեջանում նախորդ տարվա նոյեմբերից բռնաճնշումների նոր ալիք է սկսվել ընդդիմադիր լրագրողների, գործիչների ու ակտիվիստների նկատմամբ։ Օրերս էլ ձերբակալվել են անկախ Meydan TV-ի լրագրողները։
Թարգմանությունը՝ Էմմա Չոբանյանի
