07.10.2026 | 16:53
«Հայ, թուրք, ադրբեջանցի․ ինչի՞ համար են էդ շահարկումները»․ Նիկոլ Փաշինյան․ ՏԵՍԱՆՅՈՒԹ
Նարիշկինը հայտարարել է, թե Երևանն ու Բաքուն կարգավորման գործընթացում այնքան էլ «ականջալուր չեն ԱՄՆ-ին ու ԵՄ-ին»
Քաղաքականություն
10.12.2024 | 13:10
ԱՄՆ-ը կորցնում է նախաձեռնությունը բոլոր ճակատներում, իսկ հետխորհրդային տարածքում Վաշինգտոնի ձախողումները սկսվել են։ Նման հայտարարություն է արել ՌԴ արտաքին հետախուզության ծառայության տնօրեն Սերգեյ Նարիշկինը «Հետախույզ» ամսագրին տված հարցազրույցում, փոխանցում է ՌԻԱ Նովոստին։
Նրա խոսքով՝ «Ադրբեջանն ու Հայաստանը նույնպես ականջալուր չեն լինում խաղաղության կարգավորման վերաբերյալ ԱՄՆ-ի և ԵՄ-ի առաջարկություններին՝ նախընտրելով բոլոր հարցերը լուծել ինքնուրույն»։
«Ուկրաինայի նկատմամբ ամերիկյան «մոլուցքը» սկսում է կործանարար ազդեցություն ունենալ Վաշինգտոնի կառուցած ամբողջ համաշխարհային ֆինանսական և ռազմաքաղաքական համակարգի վրա։ ԱՄՆ-ը կորցնում է նախաձեռնությունը բոլոր ճակատներում՝ Մերձավոր Արևելքից մինչև Ասիա և Աֆրիկա։ Իսկ հետխորհրդային տարածքում դրանք լիովին ձախողվել են»,- ասել է Նարիշկինը։
Ըստ ռուս պաշտոնյայի՝ Վրաստանում «արևմտականներին չի հաջողվել խանգարել իշխող «Վրացական երազանք» կուսակցությանը հաղթել ընտրություններում, Մոլդովայում էլ Մայա Սանդուի ռեժիմն ընտրություններում հազիվ է հասել ցանկալի արդյունքի՝ դե ֆակտո գրանցելով մոլդովական հասարակության խորը պառակտում»։
Թարգմանությունը՝ Էմմա Չոբանյանի
