30.04.2026 | 22:58
«Նուբարաշեն-Արին-Բերդ» ջրատարի վթարման հետևանքով Երևանի և Արարատի մարզի մի շարք հասցեներում 21 ժամ ջուր չի լինի
Ուկրաինան ՌԴ-ից և օկուպացված տարածքներից 5 երեխայի է վերադարձրել
Քաղաքականություն
10.12.2024 | 11:23
2022 թվականի փետրվարին Ռուսաստանի ներխուժումից հետո Ուկրաինայից բռնի տեղափոխված հինգ ուկրաինացի երեխաներ վերադարձել են հայրենիք։ Այս մասին Telegram-ում հայտնել է Ուկրաինայի նախագահի աշխատակազմի ղեկավար Անդրեյ Երմակը, գրում է DW-ի ռուսական ծառայությունը։
Ուկրաինա վերադարձածների թվում են եղել երեք երիտասարդներ, ովքեր վերջերս են դարձել չափահաս, և չորս հոգանոց ընտանիք, որտեղ 11 և 14 տարեկան երեխաները հետապնդումների են ենթարկվել Ռուսաստանի Դաշնությունում՝ իրենց ծնողների ուկրաինամետ դիրքորոշման պատճառով:
2023 թվականին Հաագայի Միջազգային քրեական դատարանը ձերբակալության օրդեր է տվել Ռուսաստանի նախագահ Վլադիմիր Պուտինին և երեխաների իրավունքների հարցերով հանձնակատար Մարիա Լվովա-Բելովային՝ ուկրաինական օկուպացված տարածքներից երեխաների ենթադրյալ առևանգման համար։ Կրեմլը հերքում է այս մեղադրանքները։
Թարգմանությունը՝ Տաթև Ֆռանգյանի
