Ֆուտզալի ազգային հավաքականը սկսում է նախապատրաստվել Դանիայի և Ղազախստանի հետ խաղերին

Ֆուտզալի Հայաստանի ազգային հավաքականը դեկտեմբերի 8-14-ը մարզական հավաք կանցկացնի ՀՖՖ Տեխնիկական կենտրոն/Ֆուտբոլի ակադեմիայում՝ պատրաստվելով Եվրո-2026-ի որակավորման հիմնական փուլին, հաղորդում է ՀՖՖ-ն։

Հայաստանի հավաքականը դեկտեմբերի 14-ին Երևանում կընդունի Դանիայի հավաքականին, իսկ դեկտեմբերի 18-ին հյուրընկալվի Ղազախստանին։

Մարզական հավաքին մասնակցելու համար գլխավոր մարզիչ Ռուբեն Նազարեթյանը հրավիրել է հետևյալ ֆուտզալիստներին։

Դարպասապահներ
Ալբերտ Աղաջանով – ՏԶՄՍ Տուլա (Ռուսաստան)

Արթուր Մկրտչյան – «Երևան»

Էմին Ղարաբեկյանց – «Յունիսպորտ»

Խաղացողներ

Վլադիմիր Սանոսյան – «Նորիլսկի Նիկել» (Ռուսաստան)

Արթուր Մելքոնյան – «Լ․Կ․Ս․ Լիպեցկ» (Ռուսաստան)

Դենիս Նեվեդրով – «Տյումեն» (Ռուսաստան)

Միքայել Ղանդիլյան – «Էիր-Աերո» (Ռուսաստան)

Արսեն Պետրոսով – «Տորպեդո» (Ռուսաստան)

Ռաֆիկ Մելիքյան – «Ակտոբե» (Ղազախստան)

Սարգիս Մարգարյան – «Յունիսպորտ»

Գարեգին Մաշումյան – «Երևան»

Արթուր Պատատյան – «Երևան»

Միհրան Դերմենջյան – «Երևան»

Կարեն Խատուև – «Երևան»

Աղասի Եղիազարյան – «Երևան»

Համլետ Մանուկյան – «Յունիսպորտ»

Արամ Սարգսյան – «Երևան»

ՈՒԵՖԱ Ֆուտզալի ԵՎՐՈ 2026-ի որակավորման հիմնական փուլում Հայաստանի հավաքականը 6-րդ խմբում է, որտեղ մրցակիցներն են Ալբանիան, Դանիան և Ղազախստանը։

Խմբերում 1-ին տեղերը զբաղեցրած 10 երկրների հավաքականները նվաճում են Եվրո-2026-ի ուղեգիր, որտեղ նրանց միանում են եզրափակիչ փուլը հյուրընկալող Լատվիան և Լիտվան։ Իր հերթին մնացած չորս ուղեգրերը կվիճարկեն խմբերում երկրորդ տեղը գրաված հավաքականները։ Հիմնական փուլում երկրորդ տեղ զբաղեցրած լավագույն 8 հավաքականները հանդես կգան փլեյ-օֆֆում։