07.10.2026 | 19:34
«Բրա՛վո»․ Նիկոլ Փաշինյանն ընդդիմադիրների հետ ծափահարեց իր մոտալուտ հրաժարականի մասին դիտարկմանը. ՏԵՍԱՆՅՈՒԹ
Սիրիայի վարչապետը հայտարարել է իշխանությունը խաղաղ ճանապարհով փոխանցելու պատրաստակամության մասին․ Ասադի կառավարությունը տապալվել է․ Al Arabiya
Քաղաքականություն
08.12.2024 | 08:54
Սիրիայի հեղափոխության և ընդդիմադիր ուժերի ազգային կոալիցիայի ղեկավար Հադի ալ-Բահրան Al Arabiya-ին հայտարարել է Բաշար ալ-Ասադի կառավարության տապալման մասին։
Ալ-Արաբիայի միջոցով դիմելով սիրիացի ժողովրդին՝ ալ-Բահրան հայտարարել է. «Ես ձեզ հայտարարում եմ Բաշար ալ-Ասադի ռեժիմի տապալման մասին։ Իրավիճակն ապահով է և վրեժխնդրության կամ հաշվեհարդարի կարիք չկա։ Սիրիայի պատմության մութ էջն ավարտվել է»։
Ալ-Բահրան նաև ասել է, որ բանակը կվերակազմավորվի:
Սիրիայի վարչապետը հայտարարել է, որ պատրաստ է կառավարությունը խաղաղ անցումային պայմաններում հանձնել ընդդիմադիր ուժերին։
Սիրիայի ազգային կոալիցիայի ղեկավարը նշել է, որ «կառավարական կառույցները կվերսկսեն իրենց գործունեությունը երկու օրվա ընթացքում», և որ «իշխանության փոխանցումը տեղի կունենա ՄԱԿ-ի հետ համագործակցությամբ»:
Ռազմական գործողությունների վարչության ղեկավար Աբու Մուհամեդ ալ Ջոլանին հրամայել է իր ուժերին չմոտենալ Դամասկոսի պաշտոնական հաստատություններին: Ալ-Ջոլանին ընդգծել է, որ այդ հաստատությունները կմնան վարչապետի իրավասության ներքո, քանի դեռ դրանք «պաշտոնապես» չեն հանձնվել, հաղորդում է AFP-ն:
