09.01.2025 | 10:12
Փրկարարներն արգելափակումից ավտոմեքենաներ են դուրս բերել
Գևորգ Պապոյանը հանդիպել է Հայաստանում Ամերիկայի առևտրի պալատի խորհրդի անդամների և գործարար համայնքի ներկայացուցիչների հետ
Տնտեսություն
07.12.2024 | 11:41
ՀՀ էկոնոմիկայի նախարար Գևորգ Պապոյանը դեկտեմբերի 6-ին հանդիպել է ԱԱՊՀ (Ամերիկայի առևտրի պալատը Հայաստանում) խորհրդի անդամների և գործարար համայնքի ներկայացուցիչների հետ՝ ընթացիկ տնտեսական տարվա արդյունքներն ամփոփելու և ոլորտում առաջիկայում նախատեսվող ծրագրերը քննարկելու նպատակով։ Հանդիպմանը ներկա է եղել նաև նախարարի տեղակալ Արման Խոջոյանը։
«Նախարարը մասնակիցներին ներկայացրել է Էկոնոմիկայի նախարարության 2024 թ. գործունեության հաշվետվությունը, մակրոտնտեսական ցուցանիշները, Հայաստանում տնտեսության ոլորտի զարգացման հիմնական միտումները, պետական ընթացիկ ու նախատեսվող ծրագրերը»,- ասված է գերատեսչության տարածած հաղորդագրությունում։
Նախարարն անդրադարձել է նաև տնտեսության ոլորտում պետական քաղաքականությանը, կառավարության առաջնահերթություններին ու առկա հնարավորություններին։
Հանդիպման ընթացքում նախարարը պատասխանել է մասնակիցների հարցերին, տվել համապարփակ պարզաբանումներ։
