10.08.2026 | 23:10
Գևորգ Պապոյանը կմեկնի Ղազախստան՝ ԵԱՏՄ ագրոարդյունաբերական քաղաքականության խորհրդի նիստին մասնակցելու
Մեծ Բրիտանիան մինչև 2027 թվականը պատրաստվում է ՌԴ-ի հարձակմանը․ Times
Քաղաքականություն
05.12.2024 | 19:19
Արևմուտքում աճում են մտավախությունները, որ Ուկրաինան կարող է պարտվել Ռուսաստանի հետ պատերազմում, և որ ՌԴ նախագահ Վլադիմիր Պուտինը կարող է առաջիկա տարիներին ներխուժել Արևելյան Եվրոպա: Այս մասին գրում է The Times-ը՝ պնդելով, որ ռազմական առաջնորդների կարծիքով՝ Մեծ Բրիտանիան պետք է պատրաստ լինի զինված հակամարտության 2027 թվականին։
Եվրոպայում ՆԱՏՕ-ի գերագույն դաշնակցային հրամանատարի տեղակալ, գեներալ սըր Ջեյմս Էվերարդը կարծում է, որ եթե Ռուսաստանը պատերազմ սկսի ՆԱՏՕ-ի հետ, ապա Պուտինը կշահի, եթե մինչև 2027 թվականը հարվածներ հասցնի՝ նախքան ՆԱՏՕ-ն կուժեղացնի իր պաշտպանությունը:
Ըստ ՆԱՏՕ-ի բարձրաստիճան զինվորականի՝ բանակները պետք է կարողանան պահպանել մարտական հզորությունը, քանի որ «փոքր բանակները ոչնչացվում են զինված հակամարտության սկզբնական փուլում»։
Միևնույն ժամանակ, Մեծ Բրիտանիայի վետերանների հարցերով նախարար Ալիստեր Քարնեսը նախազգուշացրել է, որ բրիտանական ամբողջ բանակը կարող է ոչնչացվել ոչ ավելի, քան մեկ տարում, եթե ներգրավված լինի այնպիսի թշնամու հետ հակամարտության մեջ, ինչպիսին Ռուսաստանն է:
Թարգմանությունը՝ Տաթև Ֆռանգյանի
