30.04.2026 | 20:48
Մեր ազգն այժմ պետք է կենտրոնանա ներկայի և ապագայի վրա, այլ ոչ թե մնա անցյալում. Արարատ Միրզոյանի հարցազրույցը France 24-ին
Էրդողանի գլխավորությամբ Թուրքիայի ԱԽ նիստ է գումարվելու՝ քննարկելու Սիրիայում վերջին զարգացումները
Քաղաքականություն
05.12.2024 | 16:17
Թուրքիայի նախագահ Ռեջեփ Թայիփ Էրդողանի գլխավորությամբ այսօր նախագահական պալատում Ազգային անվտանգության խորհրդի նիստ կանցկացվի, որի օրակարգում Սիրիայում վերջին զարգացումներն են լինելու, հաղորդում է TRT Haber-ը։
Հաղորդվում է, որ Թուրքիան ուշադրությամբ հետևում է Սիրիայում տեղի ունեցող իրադարձություններին։ Նախատեսվում է, որ հանդիպմանը կքննարկվեն բնակչության հնարավոր տեղաշարժի դեպքում ձեռնարկվելիք քայլերը։
Եվս մեկ հարց է «ահաբեկչության դեմ պայքարը»։ Գնահատվելու են Հյուսիսային Իրաքի Զափ շրջանում քրդերի դեմ գործողությունները:
Ակնկալվում է, որ հանդիպման օրակարգում կլինեն նաև Թուրքիայի զինված ուժերի հնարավորությունները բարելավելու շարունակական նախաձեռնությունները։ Պայմանագիր է կնքվել ԱՄՆ-ից 40 միավոր F-16 ինքնաթիռներ գնելու մասին։ Օրակարգում կլինի նաև 40 Eurofighter-ի գնումը և ԱՄՆ-ի անգարներից 6 F-35 ինքնաթիռների մատակարարումը Թուրքիային, ինչպես նաև Անկարայի ընդգրկումը F-35 ծրագրում։
Թարգմանությունը՝ Էմմա Չոբանյանի
