08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Բիթքոինի գինը գերազանցել է 100 հազար դոլարը
Քաղաքականություն
05.12.2024 | 10:42
Bitcoin կրիպտոարժույթի գինը պատմության մեջ առաջին անգամ գերազանցել է 100 հազար ԱՄՆ դոլարը։ Bitcoin-ի փոխարժեքը Binance հարթակում այս պահին կազմում է շուրջ 101 500 դոլար։ Ըստ BBC-ի՝ այսպիսի աճը կապված է նրա հետ, որ Դոնալդ Թրամփը ԱՄՆ նախագահի պաշտոնում պատրաստվում է կրիպտոարժույթների համար բարենպաստ քաղաքականություն վարել։
Հիշեցնենք, նախքան ԱՄՆ նախագահական ընտրությունները, Bitcoin-ի փոխարժեքը տատանվում էր 65-70 հազար դոլարի միջակայքումԼ
Նոր ռեկորդը գրանցվեց մի քանի ժամ անց այն բանից հետո, երբ Դոնալդ Թրամփը հայտարարեց, որ մտադիր է Փոլ Աթկինսին նշանակել Արժեթղթերի և բորսաների հանձնաժողովի (SEC) ղեկավար: Կարծիք կա, որ Աթկինսը շատ ավելի բարենպաստ դիրքորոշում ունի կրիպտոարժույթների նկատմամբ, քան SEC-ի ներկայիս ղեկավար Գարի Գենսլերը:
Ընտրություններում Դոնալդ Թրամփի հաղթանակը հզոր խթան հաղորդեց կրիպտոարժույթների շուկային, որի ծավալն այժմ փորձագետները գնահատում են 3,3 տրիլիոն դոլար։
Թրամփը խոստացել է Միացյալ Նահանգները դարձնել «աշխարհի կրիպտո մայրաքաղաք»։ Ուշագրավ է, որ ընդամենը երեք տարի առաջ նա կրիպտոարժույթը «խաբեություն» էր անվանել:
Թարգմանությունը՝ Տաթև Ֆռանգյանի
