20.02.2026 | 20:13
Մյունխենում Ալիևներին հարց ուղղած ադրբեջանցի լրագրողն իր դեմ հարձակման մասին է հայտարարել
Ալիևն ընդունել է «Արևմտյան Ադրբեջանի» համաժողովին մասնակցելու համար Բաքու ժամանած Մևլութ Չավուշօղլուին
Քաղաքականություն
04.12.2024 | 16:39
Ադրբեջանի նախագահ Իլհամ Ալիևը Բաքվում ընդունել է Թուրքիայի Ազգային մեծ ժողովի պատգամավոր, ՆԱՏՕ-ի Խորհրդարանական վեհաժողովում թուրքական պատվիրակության ղեկավար Մևլութ Չավուշօղլուին։ Ադրբեջանական կողմի հաղորդմամբ՝ Ալիևը երախտագիտություն է հայտնել Չավուշօղլուին Բաքվում կայանալիք, այսպես կոչված, «Արևմտյան Ադրբեջանի» համայնքի միջազգային համաժողովին մասնակցելու համար։
Չավուշօղլուն իր հերթին ընդգծել է համաժողովի կարևորությունը։ Նա նաև շնորհավորել է Ադրբեջանում այս տարի անցկացված խորհրդարանական ընտրություններում «Նոր Ադրբեջան» կուսակցության հաղթանակի, ինչպես նաև COP29-ը շատ բարձր մակարդակով կազմակերպելու կապակցությամբ։
Ալիևն էլ ևս մեկ անգամ գնահատել է Թուրքիայի նախագահի գլխավորած պատվիրակության մասնակցությունն այդ միջոցառմանը։
Հանդիպմանը նշվել է, որ երկու երկրների միջև բարեկամական, եղբայրական և դաշնակցային հարաբերությունները հաջողությամբ զարգանում են բոլոր ոլորտներում, այդ թվում՝ միջխորհրդարանական և վստահություն է հայտնվել, որ հարաբերություններն ապագայում կամրապնդվեն։
Թարգմանությունը՝ Էմմա Չոբանյանի
