13.06.2026 | 00:58
ԱԱ-2026․ Կանադան խուսափեց պարտությունից Բոսնիա և Հերցեգովինայի դեմ խաղում․ ՏԵՍԱՆՅՈՒԹ
«Կարող ենք մնալ առանց ճանապարհի, գազի ու ջրի, կարևորը Ղարաբաղում ենք»․ ադրբեջանցի պատգամավորը հորդորել է չբողոքել խնդիրներից
Քաղաքականություն
03.12.2024 | 22:14
Ադրբեջանի Միլլի Մեջլիսի պատգամավոր Ագիլ Աբբասն այսօր խորհրդարանում բյուջեի քննարկման ժամանակ առաջարկել է չբողոքել սոցիալական խնդիրներից։ Նա հայտարարել է, թե կարող են որոշ ժամանակ մնալ առանց դպրոցների, առանց ջրի, գազի և ճանապարհների, «գլխավորն այն է, որ Ղարաբաղը կառուցվում է»։
«Աղդամը 60 հազարանոց քաղաք էր։ Հիմա նախագահ Իլհամ Ալիևն այնտեղ 100 հազարանոց քաղաք է կառուցում։ Ղարաբաղում կառուցված քաղաքները ես կանվանեմ Իլհամ Ալիևի քաղաքներ։ Եթե Ղարաբաղը կառուցվի, գազ ու ջուր կլինի։ Իմ գյուղում գազ չկա, երբ հանդիպում ենք, ասում եմ՝ 30 տարի առանց գազի ենք ապրում, հանուն Քելբաջարի, Աղդամի, Լաչինի մի 3 տարի էլ համբերեք»,- ասել է ադրբեջանցի պատգամավորը։
Հավելենք, որ օրերս էլ Ադրբեջանի Միլլի Մեջլիսի նախագահ Սահիբա Գաֆարովան դժգոհել էր սոցիալական ոլորտի խնդիրների վերաբերյալ պատգամավորների ելույթներից ու հորդորել, խնդիրներից բողոքելու փոխարեն, խոսել «արված աշխատանքների մասին»։
«Երբ լսում եմ ձեզ, սարսափում եմ։ Թվում է, թե երկիրն անդունդն գլորվում։ Սոցիալական ոլորտում այսքան բան է արվում, ինչո՞ւ ձեզանից ոչ մեկը դրա մասին չի խոսում։ Պետության կատարած աշխատանքի մասին պետք է շատ խոսել։ Ամեն խոսքի հետևում պետք է փաստ և խորը տրամաբանություն լինի, մեծ աշխատանք է կատարվել բնակչության սոցիալական պաշտպանության ոլորտում»,- ասել էր Գաֆարովան։
Էմմա Չոբանյան
