30.04.2026 | 21:27
Այսօրվա փաստաթղթի ստորագրումը նշանակալի քայլ է գյուղական զարգացման ամրապնդման ճանապարհին. Պապոյան
Պենտագոնն օգտագործել է թեժ գիծը՝ Սիրիայում տիրող իրավիճակի վերաբերյալ ՌԴ-ի հետ կապ հաստատելու համար
Քաղաքականություն
03.12.2024 | 16:22
Սիրիայում տիրող իրավիճակի պատճառով ամերիկյան զորքերի հրամանատարությունը թեժ գիծ է օգտագործել Ռուսաստանի հետ շփվելու համար։ Այս մասին հայտարարել է Պենտագոնի խոսնակ, գեներալ-մայոր Պատրիկ Ռայդերը, գրում է Meduza-ն։
«Ինչքանով հասկանում եմ՝ Համատեղ օպերատիվ խմբի հրամանատարն օգտագործել է Ռուսաստանի հետ մեր ունեցած թեժ գիծը՝ ապահովելու համար, որ մենք ունենանք հաղորդակցության բաց գծեր՝ հաշվի առնելով, որ մեր ուժերն աշխարհագրական տեսակետից գործում են Սիրիային մոտակայքում»,- ասել է Ռայդերը՝ պատասխանելով լրագրողի հարցին՝ արդյո՞ք ԱՄՆ-ը կապ է հաստատել ՌԴ-ի հետ։
Նա հավելել է, որ այդ խոսակցությունների մանրամասները չի ներկայացնի՝ «բացառությամբ այն, որ ունեն այդ հաղորդակցման մեխանիզմը՝ կանխելու հնարավոր սխալ հաշվարկները»։
«Մենք շարունակում ենք շփվել տարածաշրջանի երկրների հետ և կշարունակենք հետևել զարգացող իրավիճակին»,- ասել է Ռայդերը:
Թարգմանությունը՝ Էմմա Չոբանյանի
