08.10.2026 | 22:10
Հայաստանի մի շարք հասցեներում էլեկտրաէներգիայի անջատումներ կլինեն
ԱՄՆ-ը 725 մլն դոլարի ռազմական օգնության ևս մեկ փաթեթ է հատկացրել Ուկրաինային
Քաղաքականություն
03.12.2024 | 12:21
ԱՄՆ-ը 725 միլիոն դոլարի ռազմական օգնության նոր փաթեթ է հատկացրել Ուկրաինային, գրում է Current time-ը։
«Որպես սեպտեմբերի 26-ին նախագահ Բայդենի հայտարարած անվտանգության աջակցության մեծացման մաս՝ Միացյալ Նահանգները տրամադրում է զենքի և տեխնիկայի ևս մեկ զգալի փաթեթ, որն անհրաժեշտ է մեր ուկրաինացի գործընկերներին՝ պաշտպանվելու շարունակվող ռուսական հարձակումներից: Այս հավելյալ օգնությունը, որը տրամադրվում է Պաշտպանության նախարարության պաշարներից նախկինում հաստատված օտարման իրավասությամբ, գնահատվում է 725 միլիոն դոլար»,- ասվում է ԱՄՆ պետքարտուղար Էնթոնի Բլինքենի հայտարարության մեջ:
ԱՄն նախագահի ազգային անվտանգության հարցերով խորհրդական Ջեյք Սալիվանի հայտարարության մեջ էլ նշվում է, որ Վաշինգտոնը մինչև հունվարի կեսը նախատեում է Կիևին մատակարարել «հարյուր հազար լրացուցիչ հրետանային արկեր և հազարավոր լրացուցիչ հրթիռներ»:
Պենտագոնը հստակեցրել է՝ օգնության նոր փաթեթում ներառվելու են զինամթերք NASAMS զենիթահրթիռային համակարգերի համար, Stinger հրթիռներ, զինամթերք հակադրոնային համակարգերի համար (c-UAS), զինամթերք բարձր շարժունակ հրետանային HIMARS հրթիռային համակարգերի համար, 155 մմ և 105 մմ հրետանային արկեր, Javelin և AT-4 հակատանկային համակարգեր, զինամթերք և այլ սարքավորումներ։
Սալիվանի հայտարարության մեջ նաև ասվում է, որ ԱՄՆ-ն մտադիր է նոր պատժամիջոցներ սահմանել ՌԴ-ի նկատմամբ՝ նախքան Բայդենի վարչակազմի լիազորությունների ավարտը։
«Միացյալ Նահանգները զգալի պատժամիջոցներ է սահմանել Ռուսաստանի ֆինանսական հատվածի դեմ, որին հաջորդելու են ավելի շատ պատժամիջոցներ»,- նշել է նա։
Թարգմանությունը՝ Էմմա Չոբանյանի
