07.10.2026 | 17:57
Պեկին. Ալինա Չարաևան ավարտեց ելույթները. ՏԵՍԱՆՅՈՒԹ
Ադրբեջանը սկսել է գազ մատակարարել Սլովակիային
Քաղաքականություն
02.12.2024 | 20:52
2024 թվականի դեկտեմբերի 1-ին Ադրբեջանի պետական նավթային ընկերությունը՝ SOCAR-ը, սկսել է գազ մատակարարել Սլովակիայի էներգիայի ամենամեծ պետական մատակարար SPP-ին։ Ադրբեջանական լրատվամիջոցների հաղորդմամբ՝ գազի մատակարարումն իրականացվում է SOCAR-ի և SPP-ի միջև համագործակցության շրջանակում՝ կարճաժամկետ փորձնական պայմանագրի հիման վրա։
Ընկերությունները նպատակաուղղված են ավելի երկարաժամկետ էներգետիկ համագործակցության: Այս գազամատակարարումների շնորհիվ SOCAR-ը շարունակում է դիվերսիֆիկացնել արտահանման ուղղությունները։
Այսպիսով՝ Սլովակիան դարձել է ադրբեջանական գազ ստացող 12-րդ երկիրը՝ Թուրքիայի, Վրաստանի, Իտալիայի, Հունաստանի, Բուլղարիայի, Ռումինիայի, Հունգարիայի, Սերբիայի, Սլովենիայի, Խորվաթիայի և Հյուսիսային Մակեդոնիայի հետ միասին։
Հավելենք, որ Սլովակիան միայն դեկտեմբերին է գազ ներկրելու Ադրբեջանից։ Կողմերի պայմանագիրը նախատեսված է մեկ ամսով։ Այն կարող է երկարաձգվել, եթե սլովակյան և ադրբեջանական ընկերությունների համագործակցությունը հաջողություն ունենա։
Թարգմանությունը՝ Էմմա Չոբանյանի
