09.09.2026 | 09:59
Պաշտպանության նախարարի չսպասված այցը Արարատյան հովտի զորամասերից մեկը
Սլովակիան դեկտեմբերին գազ կներկրի Ադրբեջանից
Քաղաքականություն
14.11.2024 | 23:00
Սլովակիան դեկտեմբերին գազ կներկրի Ադրբեջանից։ SPP ընկերությունը կարճաժամկետ պայմանագիր է կնքել՝ մտավախություն ունենալով Ուկրաինայի տարածքով էներգիայի տարանցման դադարեցման հետ կապված, հայտնել է Dennik N պորտալը, որին վկայակոչում են ադրբեջանական լրատվամիջոցները։
SPP-ը Սլովակիայի գազային էներգետիկ համակարգի խոշորագույն օպերատորն է: Ադրբեջանական կողմից գործընկերը SOCAR-ն է։
Պայմանագիրը նախատեսված է մեկ ամսով։ Այն կարող է երկարաձգվել, եթե սլովակյան և ադրբեջանական ընկերությունների համագործակցությունը հաջողություն ունենա։ Սա Բրատիսլավայի կողմից ձեռնարկված փորձնական քայլ է այն ֆոնին, երբ Ուկրաինան մի քանի շաբաթից կդադարեցնի Ռուսաստանից Եվրամիության երկրներ գազի տարանցումը:
Օրերս Bloomberg-ը հայտնել էր, որ ԵՄ-ն ցանկանում է գազ ստանալ Ադրբեջանից Ուկրաինայի տարածքով։ Նշվում էր, որ Հունգարիայից և Սլովակիայից ընկերությունները մոտ են 12-14 մլրդ խմ գազի մատակարարման պայմանագրի կնքմանը՝ Ադրբեջանից Ուկրաինայի գազատարի ցանցով։ Պայմանագիրը նախատեսում է սվոփ գործողություններ Ադրբեջանի և Ռուսաստանի միջև:
Ավելի վաղ լրատվամիջոցները հայտնել էին, որ Ուկրաինան Ադրբեջանին՝ որպես գազ արտահանողի, իսկ Սլովակիային՝ որպես գնորդի, առաջարկել է սխեմա՝ իր տարածքով Եվրոպա ռուսական գազի այլընտրանքային մատակարարման համար։
Թարգմանությունը՝ Էմմա Չոբանյանի
