Պլաստիկ վիրահատության ժամանակ գրանցված մահվան դեպքից հետո «Արթկոսմեդ»-ի հետ կապված տեսչական մարմինը վարչական վարույթ է հարուցել

Լուրեր

19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
19.11.2026 | 20:30
«Ճողոպրել է բանակից», «Վիրավորվել եմ»․ հեռակա բանավեճ Փաշինյանի և «Ուժեղ Հայաստան»-ի պատգամավորի միջև. ՏԵՍԱՆՅՈՒԹ
19.11.2026 | 20:16
Ոստիկանները կանխել են գողություն կատարած երիտասարդների փախուստը․ երկու անձ ձերբակալվել է. ՆԳՆ
19.11.2026 | 20:00
Փաշինյանի առաջարկն ընդդիմությունը չպիտի ընդունի․ Սերժ Սարգսյանը ևս խոստանում էր վարչապետ չառաջադրվել․ Գևորգ Սաֆարյան․ ՏԵՍԱՆՅՈՒԹ
19.11.2026 | 19:48
ՀՀ որոշ շրջաններում ձյուն է տեղում
19.11.2026 | 19:35
«Արջ քորող»-ից մինչև «եղկելի»․ Գալյանի նախագիծը Փաշինյանին չի հուզում․ ՏԵՍԱՆՅՈՒԹ
Բոլորը

«Սամվել Սարգսյան և գործընկեներ» ՍՊԸ-ի («Արթկոսմեդ» էսթետիկ վիրաբուժության կենտրոն) վերաբերյալ ստացված տեղեկատվության հիման վրա տեսչական մարմնի ղեկավարի պարտականությունները կատարող՝ Վահագն Գրիգորյանի հոկտեմբերի 9-ի հրամանով հարուցվել է վարչական վարույթ, որը գտնվում է ընթացքային փուլում, այս մասին Factor.am-ի գրավոր հարցմանն ի պատասխան տեղեկացրել են Առողջապահական և աշխատանքի տեսչական մարմնից՝ պատասխանելով հարցին՝ արդյո՞ք պլաստիկ վիրահատության ժամանակ գրանցված մահվան դեպքից հետո ստուգումներ են իրականացվել «Արթկոսմեդ»-ում։

Ավելի վաղ Factor.am-ի հարցին ի պատասխան առողջապահության նախարար Անահիտ Ավանեսյանը հայտարարել էր՝ եթե տեսչական մարմինը «Արթկոսմեդ»-ում հայտնաբերի խախտումներ, ապա կդիտարկվի լիցենզիան դադարեցնելու հարցը։

«Կազմակերպությունն ունի լիցիենզիա, լիցենզիայի պայմաներին հետևելու հանգամանքը պետք է տեսչական մարմինները պարզեն և եթե հայտնվեն խախտումներ, կդիտարկվի լիցենզիան կասեցնելու կամ դադարեցնելու հարցը։ Մենք հետևողական ենք լինելու, որ պարզվեն ամբողջ հանգամանքները, ինչն է հանդիսացել մահվան պատճառը, արդյոք տեղի է ունեցել բժշկական սխալ և ինչպիսին․ դրանից հետևությունները շատ խիստ են արվելու»,- նշել էր նախարարը։

Առողջապահական և աշխատանքի տեսչական մարմնից էլ շեշտել են, որ վարչական վարույթի ընթացքում լիցենզիայի կասեցման համար հիմք հանդիսացող խախտումներ հայտնաբերելու դեպքում, տեսչական մարմինը համապատասխան լիցենզիայի կասեցման միջնորդություն կներկայացնի առողջապահության նախարարություն։

Հիշեցնենք, որ 1,5 ամիս առաջ այս կենտրոնում պլաստիկ վիրահատության ժամանակ մահացել էր 56-ամյա Զաբել Կարապետյանը։ Նրա ամուսինը մեղադրում է բժշկին, քանի որ, ինչպես պարզվել է, բժիշկը միաժամանակ կնոջ մարմնի հինգ հատվածներում վիրահատություն է սկսել։ Վիրահատությունը կատարած պլաստիկ վիրաբույժ և կենտրոնի ղեկավար Արթուր Սարգսյանը հայտարարությամբ էր հանդես եկել՝ կնոջ մահը կապելով սրտի կաթվածի հետ։

Հավելենք, որ Արթուր Սարգսյանը շարունակում է սոցցանցերի իր էջերում ակտիվորեն գովազդել պլաստիկ վիրաբուժական կենտրոնը՝ ներկայացնելով այն միջամտությունները, որոնք կատարվում են կենտրոնում։

Նշենք նաև, որ նույն կենտրոնում մահվան ևս մեկ դեպք էր գրանցվել նախորդ տարվա հոկտեմբերի 20-ին։

Մանյա Պողոսյան