28.11.2024 | 19:52
«Ես կանկրետնի առաջադրվելու եմ, դանակը օսկորին է հասել»․ Վարդան Ղուկասյան
Պուտինը հայտարարել է, որ գիշերն Ուկրաինային համալիր հարված է հասցվել՝ 90 հրթիռներով և 100 ԱԹՍ-ներով
Քաղաքականություն
28.11.2024 | 15:41
Ռուսաստանը գիշերը Ուկրաինային համալիր հարված է հասցրել՝ օգտագործելով 90 հրթիռներ և 100 անօդաչու թռչող սարքեր ու խոցելով 17 թիրախ՝ ռազմական պաշտպանական արդյունաբերության օբյեկտներ։ Այս մասին հայտարարել է ՌԴ նախագահ Վլադիմիր Պուտինը Աստանայում ՀԱՊԿ գագաթնաժողովում ունեցած ելույթում, գրում է ՌԻԱ Նովոստին։
Նա հիշեցրել է Ռուսաստանի ունեցած «Կալիբր», «Կինժալ» և «Ցիրկոն» համալիրների մասին։
«Այս գիշեր մենք համալիր հարված ենք հասցրել՝ օգտագործելով նմանատիպ դասի 90 հրթիռներ և 100 անօդաչու թռչող սարքեր՝ խոցելով 17 թիրախ՝ ռազմական օբյեկտներ, պաշտպանական արդյունաբերության օբյեկտներ և դրանց ապահովման համակարգերը»,- ասել է Պուտինը։
Նա նշել է, որ Ռուսաստանի կողմից այդ հարվածներն իրականացվել են՝ ի պատասխան ամերիկյան ATACMS հրթիռներով ռուսական տարածքի վրա շարունակվող հարձակումների։
Պուտինը կրկին ասել է, որ ռուսական նոր հրթիռը, որը նա անվանում է «Օրեշնիկ», չունի համարժեքն աշխարհում, և որ նոր հարձակումների թիրախները, ներառյալ՝ նման հրթիռներով, կարող են դառնալ «Կիևում որոշումների կայացման կենտրոնները»։
Կիևը հայտնել էր, որ Ուկրաինայի էներգետիկ օբյեկտները ռուսական բանակի զանգվածային հարձակմանն են ենթարկվել։
Թարգմանությունը՝ Էմմա Չոբանյանի
