30.04.2026 | 21:27
Այսօրվա փաստաթղթի ստորագրումը նշանակալի քայլ է գյուղական զարգացման ամրապնդման ճանապարհին. Պապոյան
«Վրացական երազանք»-ը դեռևս չի որոշվել՝ արդյո՞ք ընդդիմադիրները կզրկվեն մանդատներից
Քաղաքականություն
28.11.2024 | 15:55
Վրաստանի վարչապետ Իրակլի Կոբախիձեն հայտարարել է, որ իշխող «Վրացական երազանք» կուսակցությունը դեռևս չի որոշել՝ կզրկվե՞ն մանդատներից խորհրդարան համապատասխան դիմումներ ներկայացրած ընդդիմադիրները։
«Մենք դեռ չենք քննարկել այդ հարցը։ Ստացվել է 20 հայտ, իսկ վաղվա համար հայտարարվել է նոր հայտերի ընդունման մասին։ Կսպասենք։ Մենք հստակ ժամանակ ունենք այս հարցը երկու շաբաթվա ընթացքում քննարկելու համար։ Մինչ այդ, բնականաբար, համապատասխան որոշում կկայացվի։ Խորհրդարանում ընդդիմություն լինի, թե՝ ոչ, բացարձակապես նույնն է՝ զրոյական արժեք։ Հիշո՞ւմ եք՝ վերջին գումարման խորհրդարանում ընդդիմությունը մտավ օրենսդիր մարմին, բայց, այնուամենայնիվ, չդադարեց պետական ինստիտուտներն ապալեգիտիմացնելու և բևեռացումը մեծացնելու փորձերը։ Նրանք հավասարապես օգտագործում էին և՛ փողոցը, և՛ նիստերի դահլիճը»,- ասել է Կոբախիձեն «Իմեդի» հեռուստաընկերությանը տված հարցազրույցում։
Ավելի վաղ մանդատներից հրաժարվելու մասին հայտարարել են «Հանուն փոփոխությունների կոալիցիայի» անդամները և «Միացյալ ազգային շարժման» առաջնորդ Գիորգի Վաշաձեն։ Այս հարցի վերաբերյալ վերջնական որոշումը պետք է կայացնեն «Վրացական երազանք»-ի պատգամավորները լիագումար նիստում։
Միայն Գեորգի Գախարիայի «Հանուն Վրաստանի» կուսակցության ներկայացուցիչները դեռևս չեն հրաժարվել ընդդիմության մանդատներից, բայց նրանք նույնպես չեն մասնակցում խորհրդարանի աշխատանքներին։
Թարգմանությունը՝ Տաթև Ֆռանգյանի
