08.10.2026 | 14:53
Թուրքական պաշտպանական ընկերությունը փակում է Ադրբեջանում իր մասնաճյուղը
Հրադադարի ֆոնին՝ հարավային Լիբանանի տեղահանված բնակիչները սկսել են վերադառնալ իրենց տները
Քաղաքականություն
27.11.2024 | 13:59
Տեղահանված լիբանանցիները սկսել են վերադառնալ երկրի հարավ՝ հուսալով, որ «Հըզբոլլահի» և Իսրայելի միջև կնքված հրադադարի մասին համաձայնագիրը կպահպանվի, գրում է Al Jazeera-ն։
Նշվում է, որ քաղաքացիները սկսել են շարժվել դեպի իրենց տները հրադադարից անմիջապես հետո, որը հայտարարվել էր ԱՄՆ նախագահ Ջո Բայդենի և Ֆրանսիայի նախագահ Էմանուել Մակրոնի կողմից գիշերվա ընթացքում․ այն ուժի մեջ է մտել չորեքշաբթի վաղ առավոտյան:
Զինվորականները կոչ են արել մարդկանց չվերադառնալ առաջնագծի գյուղեր, քանի դեռ իսրայելցի զինվորականները չեն հեռացել։ Այնուամենայնիվ, հարավային Լիբանանի Սիդոն քաղաքից Al Jazeera-ի թղթակիցը հայտնել է, որ հրադադարի պահպանման նշաններով հազարավոր մարդիկ ճանապարհ են ընկնում դեպի տուն:
Ըստ աղբյուրի՝ ոմանք ցույց են տվել «հաղթանակի» նշանը, քանի որ շատերի համար տուն վերադարձն ինքնին հաղթանակ է։
Դեռևս պարզ չէ, սակայն, արդյո՞ք բոլոր տարածքները հասանելի կլինեն, քանի որ, ըստ իսրայելական բանակի, իրենց ուժերը դեռևս գործում են որոշ հատվածներում, և տարհանման հրամանները դեռ գործում են:
Թարգմանությունը՝ Էմմա Չոբանյանի
