07.10.2026 | 13:54
Միրզոյանի նախագահությամբ տեղի է ունեցել ՅՈՒՆԵՍԿՕ-ի Հայաստանի ազգային հանձնաժողովի նիստը
Վրաստանի ՆԳՆ-ն ջրցան մեքենաներ և հատուկ ջոկատայինների է տեղակայել խորհրդարանի շենքի մոտ
Քաղաքականություն
25.11.2024 | 12:35
Ոստիկանության և հատուկ նշանակության ջոկատներ են կենտրոնացվել Թբիլիսիի կենտրոնում՝ խորհրդարանի շենքի մոտ, որտեղ այսօր ընթանում է նոր խորհրդարանի առաջին նիստը, գրում է Newsgeorgia-ն։
Ընդդիմությունը չի ճանաչում հոկտեմբերին տեղի ունեցած ընտրությունները և գիշերվանից բողոքի ակցիա է անցկացնում Ռուսթավելի պողոտայում։ Նոր խորհրդարանում իշխող կուսակցությունը, որը ստացել է ձայների գրեթե 54 տոկոսը, այսօր ժամը 12-ին հայտարարել է խորհրդարանի առաջին նիստի մեկնարկի մասին։
Խորհրդարանի դիմաց վրաններ են տեղադրվել. բողոքի ակցիայի մասնակիցներից ոմանք գիշերել են այստեղ։ Նրանք, ովքեր գիշերել են տանը, վաղ առավոտից վերադարձել են խորհրդարանի շենքի մոտ։
Խորհրդարանի շենքին հարակից Ազատության հրապարակում հարյուրավոր ոստիկաններ և հատուկ տեխնիկա է կուտակվել, այդ թվում՝ վերջերս ՆԳՆ-ի կողմից գնված ջրցան մեքենաներ։
Գիշերը Թբիլիսիոմ հիմնականում հանգիստ է անցել, ոստիկանները չեն հեռացրդել վրանները։ Առավոտյան ցուցարարների ու ոստիկանների թիվը սկսել է աճել, բայց այս պահին անվտանգության ուժերն ավելի շատ են, քան ցուցարարները։ Ոստիկանությունը կենտրոնացած է ծառայողական մուտքերի մոտ, ամրացվել են խորհրդարանի դարպասները, տեղակայվել են լրացուցիչ ցանկապատներ։
Թարգմանությունը՝ Տաթև Ֆռանգյանի
