08.10.2026 | 22:10
Հայաստանի մի շարք հասցեներում էլեկտրաէներգիայի անջատումներ կլինեն
Վրաստանի իշխող կուսակցությունն արագացնում է նոր նախագահի ընտրությունը
Քաղաքականություն
25.11.2024 | 14:46
Վրաստանի իշխող կուսակցությունն արագացնում է նոր նախագահի ընտրությունը։ Խորհրդարանի խոսնակ Շալվա Պապուաշվիլին հայտարարել է, որ այն տեղի կունենա մինչև տարեվերջ, գրում է Newsgeorgia-ն։
Ավելի վաղ վարչապետ Իրակլի Կոբախիձեն հայտարարել էր, որ նախագահական ընտրությունները տեղի կունենան հունվարի սկզբին։
«Կան որոշակի հանգամանքներ, որոնք կարևոր է հաշվի առնել։ Կարևոր է, որ և՛ ընտրությունները, և՛ երդմնակալությունը տեղի ունենան այս տարի»,- ասել է Պապուաշվիլին։
Նրա խոսքով՝ նախագահական ընտրությունների օրը հայտնի կդառնա վաղը։ Թեկնածուի անունը դեռևս չի նշվում։
Սալոմե Զուրաբիշվիլին ուղղակիորեն ընտրված Վրաստանի վերջին նախագահն է։ Սահմանադրության մեջ ավելի վաղ կատարված փոփոխությունների համաձայն՝ այժմ Վրաստանում նախագահին ընտրելու է 300 ընտրիչներից բաղկացած կոլեգիան։ Դրանում կընդգրկվեն նոր խորհրդարանի պատգամավորներ, ՏԻՄ ներկայացուցիչներ և քաղաքական կուսակցությունների թեկնածուներ՝ համամասնական քվոտաներով։
Թարգմանությունը՝ Տաթև Ֆռանգյանի
