30.04.2026 | 22:19
Հայաստանի պետական սիմֆոնիկ նվագախմբի և Լա Սկալայի օպերային թատրոնի համագործակցությունը՝ Օմանում
Իրակլի Կոբախիձեն ներկայացրել է Վրաստանի կառավարության նոր կազմը
Քաղաքականություն
25.11.2024 | 12:15
Վրաստանի վարչապետ Իրակլի Կոբախիձեն ճեպազրույցում ներկայացրել է կառավարության նոր կազմը։ Վրաստանի «Առաջին ալիքի» հաղորդմամբ՝ կառավարության կազմում տեղի է ունեցել երեք փոփոխություն, որոնք ազդել են արտաքին գործերի, արդարադատության, ինչպես նաև շրջակա միջավայրի պահպանության և գյուղատնտեսության նախարարությունների վրա։
Ըստ այդմ, նոր կառավարության կազմում չեն լինելու Իլյա Դարչիաշվիլին, Ռատի Բրեգաձեն և Օթար Շամուգիան։
Կոբախիձեն կառավարության հետևյալ կազմն է առաջարկել. ԱԳ նախարար՝ Մակա Բոչորիշվիլի, արդարադատության նախարար՝ Անրի Օխանաշվիլի, շրջակա միջավայրի պահպանության և գյուղատնտեսության նախարար՝ Դավիթ Սոնգուլաշվիլի, էկոնոմիկայի և կայուն զարգացման նախարար՝ Լևան Դավիթաշվիլի, պաշտպանության նախարար՝ Իրակլի Չիկովանի, ֆինանսների նախարար՝ Լաշա Խուցիշվիլի, տարածաշրջանային զարգացման և ենթակառուցվածքների նախարար՝ Իրակլի Կարսելաձե, ներքին գործերի նախարար՝ Վախթանգ Գոմելաուրի, կրթության, գիտության և երիտասարդության նախարար՝ Ալեքսանդր Ցուլաձե, Վրաստանի օկուպացված տարածքներից ներքին տեղահանվածների, աշխատանքի, առողջապահության և սոցիալական պաշտպանության նախարար՝ Միխայիլ Սարջվելաձե, հաշտեցման և քաղաքացիական իրավահավասարության հարցերով պետնախարար՝ Թեա Ախվլեդիանի, մշակույթի ու սպորտի նախարար՝ Թինաթին Ռուխաձե։
Թարգմանությունը՝ Էմմա Չոբանյանի
