06.12.2025 | 13:22
Գուգարաց թեմի քահանաները հանդես են եկել հայտարարությամբ՝ ի պաշտպանություն Գարեգին Բ կաթողիկոսի
Ալիևը հայտարարել է, թե Հարավային Կովկասում բարենպաստ պայմաններ են ստեղծվել խաղաղության համար
Քաղաքականություն
22.11.2024 | 18:24
Ադրբեջանի նախագահ Իլհամ Ալիևը ուղերձ է հղել Ասիական քաղաքական կուսակցությունների միջազգային համաժողովի 12-րդ Գլխավոր ասամբլեայի մասնակիցներին, որում անդրադարձել է նաև Հարավային Կովկասում խաղաղության գործընթացին։
«2020 թվականի 44-օրյա պատերազմի և 2023 թվականի մեկօրյա հակաահաբեկչական գործողության արդյունքում (Բաքուն այդպես է անվանում Արցախում իրականացրած էթնիկ զտումը) Ադրբեջանը լիովին վերականգնել է իր տարածքային ամբողջականությունն ու ինքնիշխանությունը՝ բարենպաստ պայմաններ ստեղծելով Հարավային Կովկասում տևական խաղաղության, կայունության և հուսալի անվտանգության համար, ինչպես նաև ավելի լայն աշխարհագրության մեջ նոր համագործակցային հարաբերությունների հաստատման կարևոր հնարավորություններ է ստեղծել»,-ասվում է Ալիևի ուղերձում։
Նշվում է, որ «աջակցելով խաղաղության կառուցողական օրակարգին՝ Ադրբեջանը այս ուղղությամբ առաջ է քաշում կարևոր առաջարկներ և նախաձեռնություններ՝ մշտապես հանդես գալով սկզբունքային դիրքորոշմամբ և արդյունավետ գործունեություն ծավալելով ազգային շահերին համապատասխան և միջազգային իրավունքի նորմերի ու սկզբունքների հիման վրա»։
Թարգմանությունը՝ Էմմա Չոբանյանի
