08.10.2026 | 18:48
Առանց ակումբի մնացած ամենաթանկ ֆուտբոլիստները՝ ըստ Transfermarkt-ի
Երանոս գյուղում ոռոգման ջրատար ցանց է կառուցվում
Տնտեսություն
22.11.2024 | 13:10
Գեղարքունիքի մարզի Մարտունի համայնքի Երանոս գյուղում ՀՀ կառավարության կողմից 2024 թվականին իրականացվող սուբվենցիոն ծրագրերի շրջանակներում ընթացքի մեջ են գտնվում ոռոգման ջրատար ցանցի կառուցման աշխատանքները։
Ինչպես «Արմենպրես»-ը տեղեկացավ Մարտունու համայնքապետարանի աշխատակազմից, Երանոսի ոռոգման ջրատար ներքին ցանցի կառուցման ծրագրի պայմանագրային արժեքը կազմում է 67 միլիոն 780 հազար դրամ, որի 75 տոկոսը հատկացնում է ՀՀ կառավարությունը, 25 տոկոսը՝ Մարտունու համայնքապետարանը։
Ծրագրով նախատեսված է ոռոգման ջրատարի ներքին ցանցի կառուցում Երանոսի 1,2,3, 21,27-րդ փողոցներում, Վարդաձորի խճուղում՝ 1797 մետր ընդհանուր երկարությամբ, մետաղական, երկաթբետոնե և պոլիէթիլենային կիսախողովակներով կամ խողովակներով։
Շինարարական աշխատանքները, որոնք մեկնարկել են օգոստոսին, արդեն իրականացվել են շուրջ 85 տոկոսով։
Շինարարական աշխատանքներն իրականացնում է «Շին Կոմպլեքս» ՍՊԸ-ն։
Ծրագրի իրականացման արդյունքում հաջորդ տարվանից Երանոսի շուրջ 600 տնտեսության տնամերձ հողամասեր ոռոգման ջուրը կմատակարարվի ժամանակին և անկորուստ։
