30.04.2026 | 20:39
Ինչ իրավիճակ է Հայաստանի ճանապարհներին
Թրամփը ԱՄՆ գլխավոր դատախազի պաշտոնում առաջադրել է իր փաստաբան Փեմ Բոնդիի թեկնածությունը
Քաղաքականություն
22.11.2024 | 14:54
ԱՄՆ նորընտիր նախագահ Դոնալդ Թրամփը գլխավոր դատախազի նոր թեկնածու է ընտրել այն բանից հետո, երբ նրա նախկին թեկնածուն Մեթ Գեյցը, որը մեղադրվում էր թմրանյութեր օգտագործելու և անչափահասի հետ հարաբերությունների մեջ, հանել է իր թեկնածությունը, գրում է Meduza-ն։
Թրամփի նոր թեկնածուն Ֆլորիդայի նախկին գլխավոր դատախազ 59-ամյա Փեմ Բոնդին է, որն այդ պաշտոնում աշխատել է 2011-ից 2019 թվականներին (նա առաջին կինն էր, որը զբաղեցրել էր այդ պաշտոնը)։
2019թ-ին իշխանության չարաշահման մեղադրանքների պատճառով Թրամփի առաջին իմպիչմենտի ժամանակ Փեմ Բոնդին նրա փաստաբաններից մեկն էր։ Նա գնացել էր աջակցելու Թրամփին նրա մյուս քրեական գործերի ժամանակ և քննադատել այդ գործերը վարած դատախազներին։ Բոնդին America First քաղաքականության ինստիտուտում օրենքի և արդարադատության բաժնի համանախագահ է։ Այս ինստիտուտը ստեղծվել է Թրամփի վարչակազմի նախկին աշխատակիցների կողմից։
Բոնդին Թրամփի երկարամյա աջակիցն է: Ինքը՝ նորընտիր նախագահը, Truth Social-ում գրել է, ճանաչում է Բոնդիին երկար տարիներ, և որպես դատախազ՝ նա «շատ կոշտ էր հանցավորության հանդեպ» և փողոցներն ապահով էր դարձնրել ֆլորիդացիների համար, ինչպես նաև աշխատում էր դադարեցնել ֆենտանիլ թմրանյութի առևտուրը։
«Շատ երկար ժամանակ արդարադատության կուսակցականացված նախարարությունը զենք է եղել իմ և այլ հանրապետականների դեմ, այլևս այդպես չի լինի: Փեմը կրկին կկենտրոնացնի նախարարությունը հանցավորության դեմ պայքարելու և Ամերիկան նորից անվտանգ դարձնելու իր առաքելության վրա»,- գրել է Թրամփը իր սոցցանցում։
Թարգմանությունը՝ Էմմա Չոբանյանի
