06.12.2025 | 16:13
Հայաստանի հասարակությունը պատրաստ է Ադրբեջանի հետ խաղաղությանը. Արմեն Գրիգորյան
Վրաստանի նոր գումարման խորհրդարանը աշխատանքը կսկսի՝ չնայած Զուրաբիշվիլիի կողմից ՍԴ ներկայացված հայցին․ Պապուաշվիլի
Քաղաքականություն
21.11.2024 | 17:10
Վրաստանի նոր գումարման խորհրդարանը աշխատանքը կսկսի նոյեմբերի 25-ին՝ չնայած նախագահ Սալոմե Զուրաբիշվիլիի՝ ընտրությունների վերաբերյալ Սահմանադրական դատարան ներկայացված հայցին։ Այս մասին «Իմեդի» հեռուստաալիքին տված հարցազրույցում հայտարարել է Վրաստանի խորհրդարանի նախագահ Շալվա Պապուաշվիլին, փոխանցում է Newsgeorgia-ն։
«Խորհրդարանի առաջին նիստը տեղի կունենա նոյեմբերի 25-ին. Մենք համախմբվելու ենք և ճանաչելու ենք մեր իրավունքներն ու լիազորությունները։ Բոլոր այն անհեթեթությունները, որ մենք լսում ենք, այն մասին, որ նախագահի կամ խորհրդարանի անդամների պահանջները Սահմանադրական դատարան կարող են կասեցնել կամ խանգարել իրավունքների և լիազորությունների ճանաչման գործընթացին, կամ նրանց կրթության պակասն է, կամ պարզապես սաբոտաժ է»,- ասել է Պապուաշվիլին:
Նրա խոսքով, չկա իրավական նորմ, որը 30 օրից ավելի դադարեցնում է նորընտիր խորհրդարանի աշխատանքը։
Նոյեմբերի 19-ին Վրաստանի նախագահ Սալոմե Զուրաբիշվիլին հայց է ներկայացրել Սահմանադրական դատարան՝ խորհրդարանական ընտրությունները հակասահմանադրական ճանաչելու պահանջով։ Դրանից հետո համանման հայց են պատրաստել 30 ընդդիմադիր պատգամավորներ։
Թարգմանությունը՝ Տաթև Ֆռանգյանի
