07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
Ադրբեջանն ու Թուրքիան ռազմածովային ուժերի հատուկ նշանակության ստորաբաժանումների համատեղ զորավարժություն են անցկացնում
Քաղաքականություն
21.11.2024 | 13:26
Ադրբեջանի ռազմածովային ուժերի հատուկ նշանակության ստորաբաժանումները մասնակցում են SAT-SAS-2024 զորավարժություններին, որոնք անցկացվում են Թուրքիայի ռազմածովային ուժերի ստորջրյա հարձակման և ստորջրյա պաշտպանության ստորաբաժանումների հետ։ Այս մասին հայտնում է Ադրբեջանի ՊՆ-ն։
Զորավարժություններն անցկացվում են Թուրքիայի Մարմարիս քաղաքի Աքսազ ռազմածովային բազայում 2024 թվականի ուսումնական պլանի շրջանակներում։
Նշվում է, որ վարժանքների ընթացքում ռազմածովային ուժերի հատուկ ջոկատայինները «բարձր պրոֆեսիոնալիզմով կատարել են նավերի գրավման խնդիրները»։ Պլանի համաձայն՝ զորավարժությունների մյուս օրերին երկու երկրների հատուկ նշանակության ստորաբաժանումները կիրականացնեն ցամաքային և ծովային մարտերի մարտավարությունը մշակելու առաջադրանքներ, ուղղաթիռից վայրէջք կատարելու, պայմանական ափամերձ տարածքը գրավելու, չպայթած զինամթերքի ու ծովային ականների որոնման և ոչնչացման առաջադրանքներ։
Զորավարժությունները տևելու են մինչև նոյեմբերի 29-ը։
Թարգմանությունը՝ Էմմա Չոբանյանի
