21.02.2026 | 12:13
Պարեկները ուժեղացված ծառայության ընթացքում ինքնաձիգներ ու ատրճանակներ են հայտնաբերել
Վրաստանի ԿԸՀ-ն պատրաստվում է պատգամավորական վկայականներ հանձնել նորընտիր պատգամավորներին
Քաղաքականություն
20.11.2024 | 21:38
Վրաստանի Կենտրոնական ընտրական հանձնաժողովը (ԿԸՀ) հայտնել է, որ խորհրդարանի նորընտիր անդամների ժամանակավոր վկայականներն արդեն պատրաստ են, դրանք նախատեսվում է հանձնել մինչև նորընտիր խորհրդարանի առաջին նստաշրջանը։ Ընդամենը տպագրվել է 150 վկայական՝ ըստ պատգամավորների թվի, գրում է Newsgeorgia-ն։
«Կենտրոնական ընտրական հանձնաժողովը կատարել է «Վրաստանի ընտրական օրենսգրքով» նախատեսված պարտավորությունը և ընտրությունների վերջնական արդյունքների ամփոփումից հետո երկօրյա ժամկետում ապահովել է խորհրդարանի ընտրված պատգամավորների ժամանակավոր վկայականների տրամադրումը։ Ըստ այդմ, վարչակազմը կկապվի ընտրական շեմը հաղթահարած կուսակցությունների ներկայացուցիչների հետ՝ մինչև նորընտիր խորհրդարանի առաջին նիստը Վրաստանի խորհրդարանի պատգամավոր ընտրվելու ժամանակավոր վկայականներ փոխանցելու համար»,- ասվում է ԿԸՀ-ի հաղորդագրության մեջ:
Ընդդիմադիր կուսակցությունները, որոնք անցել են խորհրդարան, բայց չեն ճանաչում հոկտեմբերի 26-ի ընտրությունների արդյունքները, հայտարարել են, որ չեն վերցնելու վկայականները։
Միևնույն ժամանակ, վիճաբանություններ են ընթանում այն հարցի շուրջ՝ հնարավո՞ր է, արդյոք, նոյեմբերի 25/26-ին իշխանությունների կողմից հայտարարված նոր խորհրդարանի առաջին նիստը։
Գործող խորհրդարանի նախագահն ու ընդդիմադիր պատգամավորները նախօրեին հայցեր են ներկայացրել Սահմանադրական դատարան՝ ընտրություններն անվավեր ճանաչելու պահանջով։ Նրանք պնդում են, որ քանի դեռ դատարանը որոշում չի կայացրել, նոր խորհրդարանի նիստի գումասրումն անհնար է, ինչը նշանակում է առնվազն մեկ ամսով հետաձգում։ Իշխող կուսակցությունն անտեսում է այս հայտարարությունը։ Սահմանադրական դատարանը դեռևս լռում է։
Մինչ այդ էլ, Թբիլիսիում ընդդիմության հանրահավաքներն այսօր առավոտյան ժամանակավորապես դադարեցվել են՝ ուժերը վերախմբավորելու նպատակով:
Թարգմանությունը՝ Տաթև Ֆռանգյանի
