08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Կիևում և Ուկրաինայի մի շարք շրջաններում օդային հարձակման տագնապ է հայտարարվել
Քաղաքականություն
20.11.2024 | 16:46
Կիևում և Ուկրաինայի տասը շրջաններում օդային տագնապ է հայտարարվել՝ հրթիռային հարվածների սպառնալիքի պատճառով, փոխանցում է Ուկրաինսկայա պրավդան։
«Կիևի, Ժիտոմիրի, Վիննիցայի, Չերկասի շրջաններում հրթիռային հարձակման վտանգ է»,- հայտարարել է Ուկրաինայի ԶՈ-ն՝ բնակիչներին կոչ անելով իջնել ապաստարաններ։
Մի քանի րոպե անց ահազանգը տարածվել է նաև Չեռնիգովի, Սումիի և Պոլտավայի շրջաններում։
Հիշեցնենք, որ այսօր ավելի վաղ ԱՄՆ-ը հայտարարել էր, որ որոշել է նոյեմբերի 20-ին փակել Կիևում իր դեսպանատունը, քանի որ այսօր Ռուսաստանի Դաշնությունից խոշոր օդային հարձակման սպառնալիքի մասին տեղեկություն է ստացել։ Դիվանագիտական առաքելությունն ընդգծել է, որ նոյեմբերի 20-ին Կիևում ԱՄՆ դեսպանատան փակումը կապված է անօդաչու թռչող սարքերի և հրթիռների միջոցով ՌԴ համակցված հարվածի սպառնալիքի հետ, միջուկային հարվածի մասին խոսք դեռևս չկա։
ԱՄՆ-ից հետո Իսպանիան, Իտալիան և Հունաստանը նույնպես հայտարարել են Կիևում իրենց դեսպանատներն այցելուների համար փակելու մասին։
Թարգմանությունը՝ Տաթև Ֆռանգյանի
