08.10.2026 | 17:01
Վարդաձորում 2-րդ դասարանցու նկատմամբ բռնության դեպքով Տեսչական մարմնի կողմից նախաձեռնվել է վարչական վարույթ
ՌԴ ՊՆ-ն հաստատել է՝ Ուկրաինան առաջին անգամ ATACMS հրթիռներով հարվածել է Ռուսաստանին
Քաղաքականություն
19.11.2024 | 18:08
ՌԴ Պաշտպանության նախարարությունը հայտնել է, որ Ուկրաինայի զինված ուժերը գիշերը 6 ATACMS հրթիռներով հարվածներ են հասցրել Բրյանսկի շրջանում գտնվող օբյեկտին, փոխանցում է BBC-ի ռուսական ծառայությունը։
Նշվում է, որ հակահրթիռային մարտի արդյունքում C-400 ՀՕՊ համակարգի և «Պանցիր» հակաօդային պաշտպանության համակարգերի անձնակազմերը խոցել են հինգ ATACMS հրթիռ, մեկը «վնասվել է»։ Ըստ ՌԴ ՊՆ-ի՝ Ուկրաինայի զինված ուժերի կողմից արձակված և խոցված ATACMS հրթիռի բեկորներն ընկել են Բրյանսկի շրջանի ռազմական օբյեկտներից մեկի տեխնիկական տարածքում, հրդեհ է բռնկվել, զոհեր և ավերածություններ չկան։
Հիշեցնենք, որ ավելի վաղ ՌԲԿ-Ուկրաինան, հղում անելով պաշտպանության ուժերում իր աղբյուրին, հայտնել էր, որ Ուկրաինայի պաշտպանության ուժերն առաջին անգամ ATACMS բալիստիկ հրթիռներով հարձակում են գործել Ռուսաստանի տարածքի վրա, թիրախը հաջողությամբ խոցվել է։
Թարգմանությունը՝ Էմմա Չոբանյանի
