15.12.2025 | 09:31
Երևանի քաղաքապետարանի գործակարգավարական նիստը. ՈՒՂԻՂ
Ուկրաինացի զինվորականներն առաջին անգամ ՌԴ-ին հարվածել են ATACMS հրթիռներով․ ՌԲԿ-Ուկրաինա
Քաղաքականություն
19.11.2024 | 15:16
Ուկրաինայի պաշտպանության ուժերն առաջին անգամ ATACMS բալիստիկ հրթիռներով հարձակում են գործել Ռուսաստանի տարածքի վրա, թիրախը հաջողությամբ խոցվել է։ Այս մասին հայտնում է ՌԲԿ-Ուկրաիան՝ հղում անելով պաշտպանության ուժերում իր աղբյուրին։
Նշվում է, որ հարվածը հասցվել է Բրյանսկի շրջանի Կարաչև քաղաքի մոտ գտնվող ռազմական օբյեկտին։
«Իսկապես, ATACMS-ն առաջին անգամ կիրառվել է Ռուսաստանի Դաշնության տարածքին հարվածելու համար: Հարվածը հասցվել է Բրյանսկի շրջանում գտնվող օբյեկտին, այն հաջողությամբ խոցվել է»,- նշել է աղբյուրը։
Կարաչևը գտնվում է Ուկրաինայի սահմանից մոտ 130 կմ հեռավորության վրա։
Նշվում է, որ նոյեմբերի լույս 19-ի գիշերն այնտեղ հարձակման է ենթարկվել ՌԴ ՊՆ գլխավոր հրթիռահրետանային վարչության 67-րդ զինանոցը։ Սոցցանցերում հայտնվել են հրդեհի տեսանյութեր։ Զինանոցում պահվել է հրետանային զինամթերք, այդ թվում՝ հյուսիսկորեական արկեր։ Բացի այդ, այնտեղ եղել են կարգավորվող ռումբեր, զենիթային հրթիռներ։
Այսօր Ուկրաինայի Գլխավոր շտաբը նույնպես հայտնել է Կարաչևի շրջանում գտնվող պահեստի վրա հարձակման մասին, սակայն չի հստակեցրել՝ ինչ միջոցներով է դա արվել․ ամփոփագրում ATACMS-ի մասին խոսք չկա։
Թարգմանությունը՝ Էմմա Չոբանյանի
