08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Իսրայելի հատուկ ծառայության ղեկավարը գաղտնի այցելել է Թուրքիա և հանդիպել թուրքական հետախուզության ղեկավարին
Քաղաքականություն
19.11.2024 | 16:46
Անցած շաբաթ օրը Իսրայելի ընդհանուր անվտանգության ծառայության՝ ՇԱԲԱԿ-ի ղեկավար Ռոնեն Բարը գաղտնի այցելել է Թուրքիա, որտեղ հանդիպել է թուրքական հետախուզության ղեկավար Իբրահիմ Քալընի հետ։ Այս մասին հայտնում է իսրայելական «Детали» -ն՝ վկայակոչելով սեփական աղբյուրներին։
Իրազեկ աղբյուրները հայտնել են, որ հանդիպման ընթացքում քննարկվել են պատանդների գործարքի շուրջ բանակցությունների վերսկսումը և Թուրքիայի հնարավոր աջակցությունը գործընթացին: Իսրայելցի պաշտոնյաների խոսքով՝ վերջին օրերին ՀԱՄԱՍ-ի մի քանի բարձրաստիճան պաշտոնյաներ, այդ թվում՝ կազմակերպության բանակցային թիմի ղեկավար Խալիլ ալ-Հիան, լքել են Կատարը և մեկնել Թուրքիա:
Լրատվամիջոցը նշում է, որ վարչապետ Բենիամին Նեթանյահուն կիրակի խորհրդակցություն է հրավիրել բարձրաստիճան պաշտոնյաների և անվտանգության ղեկավարների մասնակցությամբ՝ քննարկելու առևանգվածներին ազատելուն ուղղված ջանքերը։ Ռոնեն Բարը, ըստ հրապարակման, քննարկման մասնակիցներին տեղեկացրել է Թուրքիայում իր շփումների արդյունքների մասին։
Անվտանգության մարմինների՝ Մոսադի, ՇԱԲԱԿ-ի ղեկավարները, Գլխավոր շտաբի պետը և առևանգված անձանց ազատ արձակման շտաբի ղեկավարը, հանդիպման ժամանակ ասել են, որ ՀԱՄԱՍ-ը համաձայն չէ հրաժարվել պատերազմի դադարեցման և Գազայի հատվածից Իսրայելի պաշտպանության բանակի դուրսբերման պահանջներից։ Նրանք ընդգծել են, որ եթե կառավարությունը շահագրգռված է պատանդների գործարքով, ապա պետք է վերանայի իր դիրքորոշումն այդ հարցում:
Նախօրեին էլ Իսրայելի վարչապետ Բենիամին Նեթանյահուն Արտաքին հարաբերությունների և պաշտպանության հանձնաժողովի նիստում ասել է, որ քննարկումը լուրջ է եղել։
«Նրանք, ովքեր պնդում են, որ համաձայնության բացակայության հարցում մեղավոր է Իսրայելը, վնասում են բանակցություններին»,- հայտարարել է Նեթանյահուն։
Թարգմանությունը՝ Էմմա Չոբանյանի
