19.11.2024 | 17:36
Սուրեն Պապիկյանն ընդունել է Ռազմական սպորտի միջազգային խորհրդի նախագահին և ևս երկու պաշտոնյայի
ԱՄՆ-ը նախազգուշացրել է Թուրքիային՝ չհյուրընկալել ՀԱՄԱՍ-ի առաջնորդներին
Քաղաքականություն
19.11.2024 | 13:30
ԱՄՆ-ը նախազգուշացրել է Թուրքիային ՀԱՄԱՍ-ի ղեկավարությանը հյուրընկալելու հետ կապված՝ նշելով, որ Վաշինգտոնը չի կարծում, թե «ահաբեկչական կազմակերպության առաջնորդները պետք է հարմարավետ ապրեն», գրում է Reuters-ը, որին վկայակոչում է Duvar-ը։
ԱՄՆ Պետքարտուղարության խոսնակ Մեթյու Միլլերը չի հաստատել լուրերն այն մասին, որ ՀԱՄԱՍ-ի որոշ առաջնորդներ Կատարից տեղափոխվել են Թուրքիա, միաժամանակ, սակայն ասել է, որ չի կարող վիճարկել դրանք: Նա ասել է, որ Վաշինգտոնը կհասկացնի Թուրքիայի կառավարությանը, որ ՀԱՄԱՍ-ի հետ այլևս չի կարելի նույն կերպ գործերը վարել։
Միլլերը հավելել է, որ ՀԱՄԱՍ-ի որոշ առաջնորդներ պետք է հանձնվեն Միացյալ Նահանգներին:
«Մենք չենք կարծում, որ դաժան ահաբեկչական կազմակերպության առաջնորդները պետք է հարմարավետ ապրեն որևէ տեղ, և դա, անշուշտ, ներառում է մեր հիմնական դաշնակիցներից և գործընկերներից մեկի խոշոր քաղաքը»,- ասել է Պետքարտուղարտության խոսնակը ճեպազրույցում։
Հիշեցնենք, որ Թուրքիայի ԱԳՆ աղբյուրներն ավելի վաղ հերքել էին պաղեստինյան ՀԱՄԱՍ շարժման քաղաքական բյուրոյի՝ երկիր տեղափոխվելու մասին պնդումները։
Թարգմանությունը՝ Էմմա Չոբանյանի
