18.07.2026 | 10:51
Վենեսուելայում երկրաշարժերի հետևանքով զոհերի թիվը գերազանցել է 5000-ը
Անկարան հերքում է ՀԱՄԱՍ-ի ղեկավարների՝ Թուրքիա տեղափոխվելու մասին լուրերը
Քաղաքականություն
18.11.2024 | 16:48
Թուրքիայի ԱԳՆ աղբյուրները TRT Haber-ի հարցմանն ի պատասխան հերքել են ՀԱՄԱՍ-ի քաղաքական բյուրոյի՝ Թուրքիա տեղափոխվելու մասին պնդումները։
«ՀԱՄԱՍ-ի քաղաքական բյուրոյի անդամները ժամանակ առ ժամանակ այցելում են Թուրքիա։ ՀԱՄԱՍ-ի քաղաքական բյուրոյի՝ Թուրքիա տեղափոխվելու մասին պնդումները չեն արտացոլում իրականությունը»,- ասել է ԱԳՆ աղբյուրները։
Ավելի վաղ The Times of Israel-ը, հղում անելով արաբ դիվանագետի, հայտնել էր, որ պաղեստինյան ՀԱՄԱՍ շարժման բարձրաստիճան անդամներն անցյալ շաբաթ Կատարից Թուրքիա են մեկնել այն բանից հետո, երբ Դոհան հայտարարել է, որ դադարեցնում է միջնորդությունը Գազայի բանակցություններում:
Երկրի արտաքին գործերի նախարար Մաջիդ բեն Մուհամմեդ ալ-Անսարին ասել է, որ Դոհան պատրաստ է կրկին հանդես գալ որպես միջնորդ, եթե երկու կողմերն էլ ավելի մեծ լրջություն ցուցաբերեն Գազայում հրադադարի խնդրի լուծման հարցում։
Թարգմանությունը՝ Էմմա Չոբանյանի
