15.11.2024 | 21:20
Խիստ հակասական COP29. մասնագետները կլիմայի շուրջ բանակցություններն այլևս արդյունավետ չեն համարում
ԱՄՆ-ն ամեն շաբաթ զենք կուղարկի Ուկրաինա
Քաղաքականություն
15.11.2024 | 17:08
Պենտագոնը վճռական է տրամադրված՝ Ուկրաինային ուղարկել Կոնգրեսի կողմից ավելի վաղ հաստատված ֆինանսավորումից մնացած 7,1 միլիարդ դոլարի ռազմական օգնությունը մինչև նախագահ Ջո Բայդենի վարչակազմի աշխատանքի ավարտը: Այդ նպատակով առաքումները կիրականացվեն ամեն շաբաթ։ Այս մասին հայտարարել է ԱՄՆ Պաշտպանության նախարարության փոխխոսնակ Սաբրինա Սինգհը։
Նա պարզաբանել է, որ Պենտագոնը Կիևին սպառազինությունների փաթեթներ կհատկացնի մատակարարումների համալրմանը զուգահեռ։
«Մինչ մենք շարունակում ենք համալրել մեր սեփական պաշարները, դուք կտեսնեք զենքի հետագա փոխանցումներ Ուկրաինային»,- ասել է Պենտագոնի խոսնակը:
Սինգհը նշել է, որ նոր վարչակազմի կողմից Սպիտակ տան ղեկավարությունը ստանձնելուն մնացել է ընդամենը 70 օր։
«Սակայն նույնիսկ այս կարճ ժամանակահատվածում Պենտագոնը կարող է անհավանական աշխատանք կատարել։ Մենք շատ ջանասիրաբար կաշխատենք դա ապահովելու համար»,- ասել է Սինգհը։
Նա ընդգծել է՝ վերջերս Միացյալ Նահանգները շաբաթական կտրվածքով մեծ օգնություն է տրամադրում Ուկրաինային։
Թարգմանությունը՝ Տաթև Ֆռանգյանի
