11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Պուտինն Ալիևի հետ հեռախոսազրույցում ռազմավարական գործընկերության զարգացման հարցեր է քննարկել
Քաղաքականություն
15.11.2024 | 13:49
ՌԴ նախագահ Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիևի հետ, հաղորդում է Կրեմլի մամուլի ծառայությունը։
Նշվում է, որ Վլադիմիր Պուտինի՝ 2024 թվականի օգոստոսին Ադրբեջան կատարած պետական այցի ընթացքում ձեռք բերված պայմանավորվածությունների համատեքստում, ինչպես նաև հաշվի առնելով Բաքվում վերջին շփումները ՌԴ կառավարության ղեկավար Միխայիլ Միշուստինի հետ, դիտարկվել են արդյունաբերական համագործակցության և տրանսպորտի ոլորտում մի շարք փոխշահավետ նախագծերի գործնական իրականացման հարցեր։
«Հաստատվել է ռուս-ադրբեջանական ռազմավարական գործընկերության և դաշնակցության հետագա համակողմանի զարգացման փոխադարձ հետաքրքրությունը։ Պայմանավորվածություն է ձեռք բերվել շարունակել շփումները տարբեր մակարդակներով»,- ասվում է հաղորդագրության մեջ։
Հիշեցնենք, որ նոյեմբերի 13-ին ՌԴ վարչապետ Միխայիլ Միշուստինը Բաքվում բանակցություններ էր անցկացրել Ադրբեջանի նախագահ Իլհամ Ալիևի հետ։
Թարգմանությունը՝ Էմմա Չոբանյանի
