23.10.2026 | 14:52
Պետական մարմինները կարող են արհամարել լրագրողի հարցումը, անհիմն մերժել, կամ ձևական պատասխաններ տալ․ ՏԵՍԱՆՅՈՒԹ
Իմ ու քո չենք դնում, իսկ դրա համար մեզ համար անհրաժեշտ է, որ Ազգային ժողովն ու Կառավարությունը լինեն լեգիտիմ․ Արտակ Զեյնալյան․ ՏԵՍԱՆՅՈՒԹ
Քաղաքականություն
17.09.2018 | 19:58
«Լույս» դաշինքի քաղաքապետի թեկնածու Արտակ Զեյնալյանն այսօր հրավիրված հանրահավաքի ժամանակ նշեց, որ իր համար առանձնահատուկ նշանակություն ունի լույս բառ, որով, ի տարբերություն շատ ու շատ ազգերի, հայերս միմյանց առավոտյան ողջունում ենք բարի լույս ասելով, հետևաբար, իրենց դաշինքի անունը պատահական ընտրված անուն չէ։
Այնուհետև անդրադառնալով դաշինքի ծրագրային դրույթներին՝ Արտակ Զեյնալյանը նշեց, որ խնդիրների մասին խոսելիս չի ցանկանում առանձնացնել համայնքները, այլ առաջարկում է միջոցները մեկտեղել և լուծել ամբողջ Երևանի խնդիրները, ինչն անելուց հետո կլուծվեն Հայաստանի բոլոր խնդիրները։
«Իմ ու քո չենք դնում, իսկ դրա համար մեզ համար անհրաժեշտ է, որ Ազգային ժողովն ու Կառավարությունը լինեն լեգիտիմ։ Մենք ասում ենք, որ իրականացնելու ենք արդարացի և արդյունավետ կառավարում, սրանք միայն խոսքեր չեն, մենք նաև ունենք արդյունավետ կառավարման փորձ»,- ասաց Ա․ Զեյնալյանը։
«Լույս» դաշինքի քաղաքապետի թեկնածուն նշեց, որ իրենք Երևանի բյուջեն օգտագործելուն զուգահեռ մշակելու են մեխանիզմ, որ այն հնարավորինս մեծանա։
«Ես ինձ որպես այս ընտրություններին մասնակցող քաղաքական գործիչ համարում եմ ընտրությունների օրինականության երաշխավորը, և ուզում եմ, որ մյուս ուժերն էլ կրեն նման պատասխանատվություն»,- ասաց Արտակ Զեյնալյանը։
Մանրամասները՝ տեսանյութում։
