21.02.2026 | 20:00
Ինչպես է Հայաստանն առաջին անգամ ստացել UWW-ի մրցաշար անցկացնելու հնարավորություն․ զրույց Վլադիմիր Հովհաննիսյանի հետ
Իսրայելը կարող է հարձակվել Թուրքիայի վրա․ Յաշար Գյուլեր
Քաղաքականություն
13.11.2024 | 22:16
Թուրքիայի պաշտպանության նախարար Յաշար Գյուլերը tv100-ին տված հարցազրույցում խոսել է Իսրայելի հնարավոր հարձակման մասին։ Մասնավորապես, պատասխանելով հարցին՝ կարո՞ղ է Իսրայելն ուղղակի վտանգ ներկայացնել Թուրքիայի համար, Գյուլերն ասել է, որ երկրի նախագահ Ռեջեփ Թայիփ Էրդողանը նման բան չէր ասի, եթե վտանգը չլիներ։
«Մեր նախագահը նման բան կասե՞ր, եթե արդեն նման վտանգ չտեսներ։ Իհարկե՝ կարող է հարձակվել»,- ասել է Գյուլերը։
Խոսելով երրորդ համաշխարհային պատերազմի վտանգի մասին՝ նա նշել է, որ այն կարող է բռնկվել ցանկացած պահի։
«Բայց մենք միշտ պետք է պատրաստ լինենք ամեն ինչի, որովհետև մենք պատասխանատու ենք Թուրքիայի Հանրապետության և նրա մեծ ժողովրդի անվտանգության համար»,- ասել է Թուրքիայի ՊՆ ղեկավարը։
Հիշեցնենք՝ Թուրքիայի նախագահ Ռեջեփ Թայիփ Էրդողանն ավելի վաղ հայտարարել էր, որ Իսրայելի ղեկավարությունը, Պաղեստինից և Լիբանանից հետո, «հայացքն ուղղելու է դեպի Թուրքիայի հողերը»։
Թարգմանությունը՝ Էմմա Չոբանյանի
