22.11.2024 | 13:23
Շների վրա կրակած տղամարդը ներկայացել է Արթիկի բաժին
ՄԻՊ-ը Գերմանիայի նորանշանակ դեսպանին է ներկայացրել իր աշխատանքի կարևոր ուղղությունները
12.11.2024 | 10:12
Մարդու իրավունքների պաշտպան Անահիտ Մանասյանը ՀՀ-ում Գերմանիայի նորանշանակ դեսպան Կլաուդիա Բուշի հետ հանդիպմանը շնորհավորել է դիվանագետին կարևոր հանձնառությունը ստանձնելու առթիվ և մաղթել արդյունավետ աշխատանք։
ՄԻՊ աշխատակազմի հաղորդագրության համաձայն՝ Պաշտպանը ներկայացրել է մարդու իրավունքների պաշտպանի աշխատանքի կարևոր ուղղությունները, որոնք ի թիվս այլնի ներառում են՝ կանանց, երեխաների, ազգային փոքրամասնությունների, հաշմանդամություն ունեցող անձանց իրավունքների, զինված ուժերում, քրեական վարույթի շրջանակներում մարդու իրավունքների, քաղաքացիական, սոցիալ֊տնտեսական իրավունքների, ատելության խոսքի, անհանդուրժողականության մթնոլորտի, խտրականության դեմ պայքարի, բռնի տեղահանված անձանց իրավունքների պաշտպանության ոլորտները։
Հանդիպման ընթացքում անդրադարձ է կատարվել ընտանեկան, գենդերային հիմքով բռնության կանխարգելմանը և Ստամբուլյան կոնվենցիան վավերացնելու անհրաժեշտությանը, կանանց իրավունքների պաշտպանության և խթանման ուղղությամբ աշխատանքների կարևորությանը։
Դեսպան Կլաուդիա Բուշն իր հերթին շնորհակալություն է հայտնել ընդունելության համար և կարևորել Պաշտպանի հաստատության դերը մարդու իրավունքների պաշտպանության առաքելության իրականացման գործում։
